ಒಲಿಂಪಿಕ್ಸ್ ವೈಫಲ್ಯದಿಂದ ಆತ್ಮಹತ್ಯೆ ಆಲೋಚನೆ ಬಂದಿತ್ತು: ಏಷ್ಯನ್ ಗೇಮ್ಸ್ ಪದಕ ವಿಜೇತೆ ಹರ್ಮಿಲನ್ ಬೈನ್ಸ್ ಶಾಕಿಂಗ್ ನಿರ್ಧಾರ, ಜನಪ್ರಿಯ ‘ರೋಡೀಸ್’ ಶೋಗೆ ಎಂಟ್ರಿ

ನವದೆಹಲಿ: 2022ರ ಹ್ಯಾಂಗ್‌ಝೌ ಏಷ್ಯನ್ ಗೇಮ್ಸ್ ಕ್ರೀಡಾಕೂಟದಲ್ಲಿ ಭಾರತಕ್ಕೆ ಎರಡು ಬೆಳ್ಳಿ ಪದಕಗಳನ್ನು (800ಮೀ ಮತ್ತು 1500ಮೀ ಓಟ) ತಂದುಕೊಟ್ಟು ದೇಶದ ಹೆಮ್ಮೆಯಾಗಿದ್ದ ಸ್ಟಾರ್ ಅಥ್ಲೀಟ್ ಹರ್ಮಿಲನ್ ಬೈನ್ಸ್, ಕ್ರೀಡಾಂಗಣದಿಂದ ಹೊಸ ಹೆಜ್ಜೆಯನ್ನಿಟ್ಟು ಜನಪ್ರಿಯ ರಿಯಾಲಿಟಿ ಶೋ ‘ರೋಡೀಸ್’  ಮೂಲಕ ಪ್ರೇಕ್ಷಕರನ್ನು ಅಚ್ಚರಿಗೊಳಿಸಿದ್ದಾರೆ.

ರಣ್‌ವಿಜಯ್ ಸಿಂಗ್ ನಿರೂಪಣೆಯ ಈ ಸಾಹಸಮಯ ಶೋನಲ್ಲಿ ಭಾಗಿ0ಯಾಗಿರುವ ಹರ್ಮಿಲನ್, ಜಿಜೆ ಅವರ ಗ್ಯಾಂಗ್ ಅನ್ನು ಆಯ್ಕೆ ಮಾಡಿಕೊಂಡಿದ್ದಾರೆ ಎಂದು ವರದಿಯಾಗಿದೆ.

ಪ್ಯಾರಿಸ್ ಒಲಿಂಪಿಕ್ಸ್-2024 ಕ್ವಾಲಿಫೈ ಆಗಲು ವಿಫಲರಾದಾಗ ತೀವ್ರ ಖಿನ್ನತೆಗೆ  ಒಳಗಾಗಿ ಆತ್ಮಹತ್ಯೆಯ ಆಲೋಚನೆಗಳು ಬಂದಿದ್ದವು ಎಂದು ಇತ್ತೀಚೆಗೆ ಬಹಿರಂಗಪಡಿಸಿದ್ದ ಹರ್ಮಿಲನ್ ಬೈನ್ಸ್, ಕ್ರೀಡಾಪಟುಗಳು ಒತ್ತಡಕ್ಕೆ ಒಳಗಾಗದೆ ತಮ್ಮ ಆಟವನ್ನು ಆನಂದಿಸಬೇಕು ಎಂದು ಯುವ ಅಥ್ಲೀಟ್‌ಗಳಿಗೆ ಸ್ಪೂರ್ತಿದಾಯಕ ಸಂದೇಶ ರವಾನಿಸಿದ್ದಾರೆ. ಮೊಣಕಾಳಿನ ಶಸ್ತ್ರಚಿಕಿತ್ಸೆಯ ಬಳಿಕವೂ ಕ್ರೀಡಾಕ್ಷೇತ್ರದಲ್ಲಿ ಅದ್ಭುತವಾಗಿ ಕಂಬ್ಯಾಕ್ ಮಾಡಿದ್ದ ಈ ಪ್ರತಿಭಾವಂತೆ, ಈಗ ರೋಡೀಸ್ ಶೋ ಮೂಲಕ ಹೊಸ ಇನಿಂಗ್ಸ್ ಆರಂಭಿಸಿರುವುದು ಕ್ರೀಡಾಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದೆ.

ಏಷ್ಯನ್ ಗೇಮ್ಸ್ ಸಾಧನೆ: 2022ರ ಹ್ಯಾಂಗ್‌ಝೌ ಏಷ್ಯನ್ ಗೇಮ್ಸ್‌ನಲ್ಲಿ 800 ಮೀಟರ್ ಮತ್ತು 1500 ಮೀಟರ್ ಓಟದ ಸ್ಪರ್ಧೆಗಳಲ್ಲಿ ಹರ್ಮಿಲನ್ ಬೈನ್ಸ್ ಎರಡು ಬೆಳ್ಳಿ ಪದಕಗಳನ್ನು ಗೆದ್ದು ದೇಶಕ್ಕೆ ಕೀರ್ತಿ ತಂದಿದ್ದರು.

ರೋಡೀಸ್‌ಗೆ ಎಂಟ್ರಿ: ದೈಹಿಕ ಮತ್ತು ಮಾನಸಿಕ ಸಾಮರ್ಥ್ಯವನ್ನು ಪರೀಕ್ಷಿಸುವ ಜನಪ್ರಿಯ ಸಾಹಸಮಯ ರಿಯಾಲಿಟಿ ಶೋ ‘ರೋಡೀಸ್’ಗೆ ಹರ್ಮಿಲನ್ ಎಂಟ್ರಿ ನೀಡಿರುವುದು ಅಭಿಮಾನಿಗಳಿಗೆ ಅಚ್ಚರಿ ತಂದಿದೆ. ಅವರು ವಿಜೆ ಗುರುಬಾಣಿ  ಗ್ಯಾಂಗ್‌ಗೆ ಸೇರಿಕೊಂಡಿದ್ದಾರೆ.

ಖಿನ್ನತೆಯಿಂದ ಹೊರಬಂದ ಕಥೆ: ಪ್ಯಾರಿಸ್ ಒಲಿಂಪಿಕ್ಸ್‌ಗೆ ಆಯ್ಕೆಯಾಗದೆ ಹೋದಾಗ ತೀವ್ರ ಖಿನ್ನತೆಗೆ ಜಿಗಿದು ಆತ್ಮಹತ್ಯೆಯ ಆಲೋಚನೆ ಬಂದಿದ್ದಾಗಿ ತಿಳಿಸಿರುವ ಅವರು, ಯುವ ಕ್ರೀಡಾಪಟುಗಳಿಗೆ ಮಾನಸಿಕ ಸ್ಥೈರ್ಯದ ಮಹತ್ವವನ್ನು ತಿಳಿಸಿದ್ದಾರೆ.

ಗ್ಯಾಂಗ್ ಲೀಡರ್‌ಗಳು: ನೇಹಾ ಧೂಪಿಯಾ, ನಿಖಿಲ್ ಚಿನಾಪ ಮತ್ತು ಪ್ರಿನ್ಸ್ ನರುಲಾ ಈ ಶೋನಲ್ಲಿ ಗ್ಯಾಂಗ್ ಲೀಡರ್‌ಗಳಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.