SUDDIKSHANA KANNADA NEWS\ DAVANAGERE\ DATE:15-12-2023
STOCK MARKET: ಷೇರುಪೇಟೆಯಲ್ಲಿ ಗೂಳಿಯ ನಾಗಾಲೋಟ ಮುಂದುವರಿಕೆ. ಹೊಸ ಎತ್ತರದಲ್ಲಿ ಮಾರುಕಟ್ಟೆ
ಭಾರತೀಯ ಷೇರುಪೇಟೆಯಲ್ಲಿ ಗೂಳಿಯ ನಾಗಾಲೋಟ ಇಂದು ಸಹಾ ಮುಂದುವರೆದಿದೆ. ಯುಎಸ್ ಫೆಡರಲ್‌ ರಿಸರ್ವ್‌ ಬಡ್ಡಿದರದಲ್ಲಿ ಯಥಾಸ್ಥಿತಿ ಕಾಪಾಡಿಕೊಂಡಿರುವ ನಿರ್ಧಾರದ ಹಿನ್ನೆಲೆಯಲ್ಲಿ ಮಾರುಕಟ್ಟೆ ಧನಾತ್ಮಕವಾಗಿ ಪ್ರತಿಕ್ರಿಯಿಸಿದೆ. ವಹಿವಾಟಿನ ಮಧ್ಯೆ ನಿಫ್ಟಿ ಸೂಚ್ಯಂಕ ಮತ್ತೊಮ್ಮೆ ಹೊಸ ಎತ್ತರ 21,492.30 ದಾಖಲಿಸಿದರೆ, ಸೆನ್ಸೆಕ್ಸ್ ಸೂಚ್ಯಂಕ ಹೊಸ ಎತ್ತರವಾದ 71,605.76 ದಾಖಲಿಸಿತು.
ದಿನದ ಅಂತ್ಯಕ್ಕೆ ರಾಷ್ಟ್ರೀಯ ಷೇರುಪೇಟೆ ಸಂವೇದಿ ಸೂಚ್ಯಂಕ (ಎನ್ಎಸ್ಇ) ನಿಫ್ಟಿ 273.96 (1.29%)
ಅಂಕ ಏರಿಕೆ ಕಂಡು 21,456.65 ರಲ್ಲಿ ಮತ್ತು ಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್ 969.55 (1.37%) ಏರಿಕೆ ಕಂಡು 71,483.75 ರಲ್ಲಿ ದಿನದ ವಹಿವಾಟು ಮುಕ್ತಾಯಗೊಳಿಸಿದವು.
*ಏರಿಕೆ ಕಂಡ ಷೇರುಗಳು*
ನಿಫ್ಟಿಯಲ್ಲಿ HCLTECH, TCS, INFY, SBIN,TATASTEEL ಷೇರುಗಳು ಜಿಗಿತ ಕಂಡವು.
*ಇಳಿಕೆ ಕಂಡ ಷೇರುಗಳು*
ನಿಫ್ಟಿಯಲ್ಲಿ HDFCLIFE, NESTLEIND, BHARTIARTL, SBILIFE, BAJAJ-AUTO ಷೇರುಗಳು ನಕಾರಾತ್ಮಕ ವಹಿವಾಟು ನಡೆಸಿದವು.
*ಕರೆನ್ಸಿ ವಹಿವಾಟು*
ಕರೆನ್ಸಿ ವಿನಿಮಯ ಮಾರುಕಟ್ಟೆಯಲ್ಲಿ ಅಮೆರಿಕದ ಡಾಲರ್ ಎದುರು ರೂಪಾಯಿ ಮೌಲ್ಯ 83.00 ಕ್ಕೆ ತನ್ನ ವಹಿವಾಟು ಕೊನೆಗೊಳಿಸಿದೆ.
*FII ಮತ್ತು DII ನಗದು ವಹಿವಾಟು ವಿವರ*
ಮಾರುಕಟ್ಟೆ ಅಂತ್ಯದಲ್ಲಿ ‘ವಿದೇಶಿ ಸಾಂಸ್ಥಿಕ ಹೂಡಿಕೆದಾರರು” (FII) : ರೂ.9,239.42 ಕೋಟಿ ನಿವ್ವಳ ಖರೀದಿ ಮಾಡಿದರೆ , ‘ದೇಶೀಯ ಸಾಂಸ್ಥಿಕ ಹೂಡಿಕೆದಾರರು’ (DII) ರೂ.-3,077.43 ಕೋಟಿ ನಿವ್ವಳ ಮಾರಾಟ ಮಾಡಿದ್ದಾರೆ.
