SUDDIKSHANA KANNADA NEWS\ DAVANAGERE\ DATE:02-11-2023
ಗಿರೀಶ್ ಕೆ. ಎಂ.
STOCK MARKET: ಚೇತರಿಸಿಕೊಂಡ ಷೇರುಪೇಟೆ : ನಿಫ್ಟಿ 144 ಅಂಕ, ಸೆನ್ಸೆಕ್ಸ್ 489 ಅಂಕ ಏರಿಕೆ
ಅಮೆರಿಕದ ಫೆಡ್ ಸಭೆಯಲ್ಲಿ ಯಥಾಸ್ಥಿತಿ ಕಾಯ್ದು ಕೊಂಡಿದ್ದು, ನಿರುದ್ಯೋಗದ ವರದಿ ಆಶಾದಾಯಕವಾಗಿ ಬಂದದ್ದರಿಂದ ಜಾಗತಿಕ ಮಾರುಕಟ್ಟೆಯಲ್ಲಿ ಚೇತರಿಕೆ ಕಂಡುಬಂದಿದೆ.
ದಿನದ ಅಂತ್ಯಕ್ಕೆ ರಾಷ್ಟ್ರೀಯ ಷೇರುಪೇಟೆ ಸೂಚ್ಯಂಕ (ಎನ್‌ಎಸ್‌ಇ) ನಿಫ್ಟಿ 144.10 (0.76%) ಅಂಕ ಏರಿಕೆ ಕಂಡು 19,133.25 ರಲ್ಲಿ ಮತ್ತು ಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್ 489.57 (0.76%)
ಅಂಕ ಏರಿಕೆ ಕಂಡು 64,080.90 ರಲ್ಲಿ ದಿನದ ವಹಿವಾಟು ಮುಕ್ತಾಯಗೊಳಿಸಿದವು.
*ಏರಿಕೆ ಕಂಡ ಷೇರುಗಳು*
ಇಂದು ನಿಫ್ಟಿಯಲ್ಲಿ BRITANNIA, HINDALCO, INDUSINDBK, APOLLOHOSP, EICHERMOT ಷೇರುಗಳು ಜಿಗಿತ ಕಂಡವು.
*ಇಳಿಕೆ ಕಂಡ ಷೇರುಗಳು*
ನಿಫ್ಟಿಯಲ್ಲಿ HEROMOTOCO, BAJAJ-AUTO,HDFCLIFE, ONGC, ADANIENT ಷೇರುಗಳು ನಕಾರಾತ್ಮಕ ವಹಿವಾಟು ನಡೆಸಿದವು.
*ಕರೆನ್ಸಿ ವಹಿವಾಟು*
ಕರೆನ್ಸಿ ವಿನಿಮಯ ಮಾರುಕಟ್ಟೆಯಲ್ಲಿ ಅಮೆರಿಕದ ಡಾಲರ್ ಎದುರು ರೂಪಾಯಿ ಮೌಲ್ಯ 83.25 ಕ್ಕೆ ತನ್ನ ವಹಿವಾಟು ಕೊನೆಗೊಳಿಸಿದೆ.
*FII ಮತ್ತು DII ನಗದು ವಹಿವಾಟು ವಿವರ*
ಇಂದಿನ ಮಾರುಕಟ್ಟೆಯ ಅಂತ್ಯದಲ್ಲಿ ‘ವಿದೇಶಿ ಸಾಂಸ್ಥಿಕ ಹೂಡಿಕೆದಾರರು” (FII) : ರೂ.-1,261.19 ಕೋಟಿ ನಿವ್ವಳ ಮಾರಾಟ ಮಾಡಿದರೆ , ‘ದೇಶೀಯ ಸಾಂಸ್ಥಿಕ ಹೂಡಿಕೆದಾರರು’ (DII) ರೂ.1,380.15 ಕೋಟಿ ನಿವ್ವಳ ಖರೀದಿ ಮಾಡಿದ್ದಾರೆ.
