ಉಪಗ್ರಹ ಕಣ್ಣಿನಿಂದ ತಪ್ಪಿಸಿಕೊಳ್ಳಲು ಪಂಜಾಬ್ ರೈತರ ಹೊಸ ತಂತ್ರ: ಅಬ್ದುಲ್ ಕಲಾಮ್ ಪೊಖ್ರಾನ್ ಮಾದರಿ ಪಾಲನೆ!

ನವದೆಹಲಿ: ಭಾರತೀಯ ಬಾಹ್ಯಾಕಾಶ ಮತ್ತು ಅಣು ವಿಜ್ಞಾನದ ಪಿತಾಮಹ ಡಾ. ಎ.ಪಿ.ಜೆ. ಅಬ್ದುಲ್ ಕಲಾಮ್ 1998ರ ಪೊಖ್ರಾನ್ ಅಣು ಪರೀಕ್ಷೆಯ ಸಂದರ್ಭದಲ್ಲಿ ಅಮೆರಿಕದ ಅತ್ಯಾಧುನಿಕ ಗೂಢಚಾರಿ ಉಪಗ್ರಹಗಳ ಕಣ್ಣು ತಪ್ಪಿಸಿ ಸಿದ್ಧತೆ ನಡೆಸಿದ್ದರು. ಇದೀಗ ಅದೇ ರೀತಿಯ ತಂತ್ರಜ್ಞಾನದ ಕೊರತೆಯನ್ನು ಬಳಸಿಕೊಂಡು ಪಂಜಾಬ್ ಹಾಗೂ ಹರ್ಯಾಣದ ರೈತರು ತಮ್ಮ ಹೊಲಗಳಲ್ಲಿ ಕಸ-ಕಡ್ಡಿ ಸುಡುವುದನ್ನು ಉಪಗ್ರಹಗಳ ಕಣ್ಣಿನಿಂದ ಮರೆಮಾಚುತ್ತಿದ್ದಾರೆ ಎಂಬ ಕುತೂಹಲಕಾರಿ ವರದಿ ಹೊರಬಿದ್ದಿದೆ.

ಉಪಗ್ರಹಗಳು ಭೂಮಿಯ ನಿರ್ದಿಷ್ಟ ಭಾಗವನ್ನು ದಾಟಿ ಹೋಗುವ ನಿಖರ ಸಮಯವನ್ನು ಅರ್ಥೈಸಿಕೊಂಡಿರುವ ರೈತರು, ಉಪಗ್ರಹಗಳ ವೀಕ್ಷಣಾ ಸಮಯದ ಹೊರತಾಗಿ (Observation Windows) ತಮ್ಮ ಜಮೀನುಗಳಿಗೆ ಬೆಂಕಿ ಹಚ್ಚುತ್ತಿದ್ದಾರೆ. ಇದರಿಂದಾಗಿ ಬಾಹ್ಯಾಕಾಶದಿಂದ ಸೆರೆಯಾಗುವ ಬೆಂಕಿಯ ಪ್ರಕರಣಗಳ ಪಟ್ಟಿಯಲ್ಲಿ ಹಲವು ನೈಜ ಘಟನೆಗಳು ದಾಖಲಾಗದೆ ತಪ್ಪಿಸಿಕೊಳ್ಳುತ್ತಿವೆ.

ಉಪಗ್ರಹಗಳ ಮಿತಿ: ಪ್ರಸ್ತುತ ನಾಸಾದ MODIS ಮತ್ತು VIIRS ನಂತಹ ದ್ರುವೀಯ ಕಕ್ಷೆಯ (Polar-orbiting) ಉಪಗ್ರಹಗಳು ದಿನದ ನಿರ್ದಿಷ್ಟ ಸಮಯಗಳಲ್ಲಿ ಮಾತ್ರ ವೀಕ್ಷಣೆ ನಡೆಸುತ್ತವೆ.

ಫೈರ್ ವಾಚ್ (Fire Watch) ವೇದಿಕೆ: ಈ ಸಮಸ್ಯೆಗೆ ಪರಿಹಾರವಾಗಿ iFOREST ಸಂಸ್ಥೆಯು ಪ್ರತಿ 15 ನಿಮಿಷಕ್ಕೊಮ್ಮೆ ಚಿತ್ರಗಳನ್ನು ನೀಡುವ ‘ಫೈರ್ ವಾಚ್’ ಎಂಬ ಹೊಸ ಬಹು-ಉಪಗ್ರಹ ಮಾದರಿಯನ್ನು ಅಭಿವೃದ್ಧಿಪಡಿಸಿದೆ.

ಸುಟ್ಟ ಪ್ರದೇಶದ ವರದಿ: ಉಪಗ್ರಹಕ್ಕೆ ಬೆಂಕಿ ಸೆರೆಯಾಗದಿದ್ದರೂ, ನಂತರ ಕ ಕಾರ್ಟೋಸ್ಯಾಟ್-3 (Cartosat-3) ಉಪಗ್ರಹ ಚಿತ್ರಗಳ ಮೂಲಕ ಸುಟ್ಟುಹೋದ ಕಪ್ಪು ಕಲೆಗಳನ್ನು ಗುರುತಿಸಿ ಗಾಳಿಯ ಗುಣಮಟ್ಟ ನಿರ್ವಹಣಾ ಆಯೋಗಕ್ಕೆ (CAQM) ವರದಿ ನೀಡಲಾಗುತ್ತಿದೆ.

ಇದೀಗ ಭಾರತದ ಪ್ರಸಿದ್ಧ ‘EOS-05’ (GISAT-1A) ಜಿಯೋಸ್ಟೇಷನರಿ ಉಪಗ್ರಹವನ್ನು ಪರಿಸರ ಮತ್ತು ಕೃಷಿ ವೀಕ್ಷಣೆಗೆ ಬಳಸಿಕೊಳ್ಳುವಂತೆ ಸಂಸದೀಯ ಸಮಿತಿ ಹಾಗೂ ವಿಜ್ಞಾನಿಗಳು ಸರ್ಕಾರಕ್ಕೆ ಮನವಿ ಮಾಡಿದ್ದಾರೆ.