ತಂದೆ ನಿಶ್ಚಯಿಸಿದ ಮದುವೆ ತಿರಸ್ಕರಿಸಿದ 19 ವರ್ಷದ ಯುವತಿ: ಪುತ್ರಿ ತಲೆಗೆ ಗುಂಡು ಹಾರಿಸಿದ ಅಪ್ಪ!

ಉತ್ತರ ಪ್ರದೇಶ: ಉತ್ತರ ಪ್ರದೇಶದ ಮೈನ್‌ಪುರಿ ಜಿಲ್ಲೆಯಲ್ಲಿ ತಂದೆ ನಿಶ್ಚಯಿಸಿದ ಮದುವೆಗೆ ನಿರಾಕರಿಸಿ, ತಾನು ಪ್ರೀತಿಸಿದ ಯುವಕನನ್ನು ಮದುವೆಯಾಗಲು ಬಯಸಿದ್ದಕ್ಕಾಗಿ 19 ವರ್ಷದ ಯುವತಿಯೊಬ್ಬಳ ಮೇಲೆ ಆಕೆಯ ತಂದೆಯೇ ನಿದ್ರೆಯಲ್ಲಿದ್ದಾಗ ತಲೆಗೆ ಗುಂಡು ಹಾರಿಸಿ ಹತ್ಯೆಗೆ ಯತ್ನಿಸಿರುವ ದಾರುಣ ಘಟನೆ ವರದಿಯಾಗಿದೆ.

ಘಟನೆಯಲ್ಲಿ ತೀವ್ರವಾಗಿ ಗಾಯಗೊಂಡಿರುವ ಯುವತಿಯನ್ನು ಶಾಜಿಯಾ (19) ಎಂದು ಗುರುತಿಸಲಾಗಿದೆ. ಮೈನ್‌ಪುರಿ ಜಿಲ್ಲೆಯ ಭೋಂಗಾಂವ್ (ಅಥವಾ ಎಲಾವು ಪ್ರದೇಶ) ನಿವಾಸಿಯಾಗಿರುವ ಆಸಿನ್ ಖಾನ್ (48) ಎಂಬಾತನೇ ಈ ಕೃತ್ಯವೆವೆಗ ಎಸಗಿದ ಕ್ರೂರ ತಂದೆ.

ಘಟನೆಯ ವಿವರ:

ಆಸಿನ್ ಖಾನ್ ತನ್ನ ಮಗಳು ಶಾಜಿಯಾಳ ಮದುವೆಯನ್ನು ನವೆಂಬರ್ 19 ರಂದು ಬೇರೆ ಯುವಕನೊಂದಿಗೆ ನಿಶ್ಚಯಿಸಿದ್ದನು. ಆದರೆ ಶಾಜಿಯಾ ತಾನು ಇಷ್ಟಪಟ್ಟ ಬೇರೆ ಯುವಕನನ್ನು ಮದುವೆಯಾಗುವುದಾಗಿ ಪಟ್ಟು ಹಿಡಿದಿದ್ದಳು. ಇದರಿಂದ ಆಕ್ರೋಶಗೊಂಡಿದ್ದ ಆಸಿನ್ ಖಾನ್, ಸೋಮವಾರ ಮಧ್ಯಾಹ್ನ ಮಗಳು ಮಲಗಿದ್ದಾಗ ಆಕೆಯ ತಲೆಗೆ ಗುಂಡು ಹಾರಿಸಿದ್ದಾನೆ.

ಗುಂಡಿನ ಶಬ್ದ ಕೇಳಿ ಸ್ಥಳಕ್ಕೆ ದಾವಿಸಿದ ಯುವತಿಯ ತಾಯಿ ಖೈರುನ್ನಿಶಾ ರಕ್ತದ ಮಡುವಿನಲ್ಲಿ ಬಿದ್ದಿದ್ದ ಮಗಳನ್ನು ಕಂಡು ರಕ್ಷಿಸುವಂತೆ ಚೀರಾಡಿದ್ದಾರೆ. ತಕ್ಷಣವೇ ಗಾಯಾಳು ಶಾಜಿಯಾವನ್ನು ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದ್ದು, ಹೆಚ್ಚಿನ ಚಿಕಿತ್ಸೆಗಾಗಿ ಸೈಫೈ ವೈದ್ಯಕೀಯ ಕಾಲೇಜಿಗೆ ರವಾಯಿಸಲಾಗಿದೆ. ಸದ್ಯ ಯುವತಿಯ ಸ್ಥಿತಿ ಗಂಭೀರವಾಗಿದ್ದು, ಚಿಕಿತ್ಸೆ ಪಡೆಯುತ್ತಿದ್ದಾಳೆ.

ಪೊಲೀಸ್ ಕ್ರಮ:

ಘಟನೆಯ ನಂತರ ಯುವತಿಯ ತಾಯಿ ಖೈರುನ್ನಿಶಾ ಅವರು ತನ್ನ ಪತಿ ಆಸಿನ್ ಖಾನ್ ವಿರುದ್ಧ ಕೊಲೆ ಯತ್ನದ ಆರೋಪದಡಿ ಭೋಂಗಾಂವ್ ಪೊಲೀಸ್ ಠಾಣೆಯಲ್ಲಿ ಎಫ್‌ಐಆರ್ ದಾಖಲಿಸಿದ್ದಾರೆ. ಪೊಲೀಸರು ತಕ್ಷಣ ಕಾರ್ಯಪ್ರವೃತ್ತರಾಗಿ ಆರೋಪಿ ತಂದೆಯನ್ನು ಬಂಧಿಸಿದ್ದು, ಹೆಚ್ಚಿನ ತನಿಖೆ ಮುಂದುವರೆಸಿದ್ದಾರೆ.