ಜೈಲರ್ 2 ವಿಮರ್ಶೆ: ಟೈಗರ್ ಮುತ್ತುವೇಲ್ ಪಾಂಡಿಯನ್ ಅಬ್ಬರ, ಚಿತ್ರಮಂದಿರಗಳಲ್ಲಿ ಸೂಪರ್ ಸ್ಟಾರ್ ರಜನೀಕಾಂತ್ ಹವಾ!

ಚೆನ್ನೈ: ಸೂಪರ್ ಸ್ಟಾರ್ ರಜನೀಕಾಂತ್ ಹಾಗೂ ನಿರ್ದೇಶಕ ನೆಲ್ಸನ್ ದಿಲೀಪ್‌ಕುಮಾರ್ ಕಾಂಬಿನೇಷನ್‌ನ ಬಹುನಿರೀಕ್ಷಿತ ‘ಜೈಲರ್ 2’ ಸಿನಿಮಾ ತೆರೆಗೆ ಬಂದಿದ್ದು, ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.

ಮೊದಲ ಭಾಗದ ಭರ್ಜರಿ ಯಶಸ್ಸಿನ ಬಳಿಕ ಬಂದಿರುವ ಈ ಸೀಕ್ವೆಲ್‌ನಲ್ಲಿ ರಜನೀಕಾಂತ್ ಅವರ ಮ್ಯಾನರಿಸಂ, ಮಾಸ್ ಎಲಿವೇಶನ್ ಸೀನ್‌ಗಳು ಮತ್ತು ನೆಲ್ಸನ್ ಶೈಲಿಯ ಡಾರ್ಕ್ ಹ್ಯೂಮರ್ ಪ್ರೇಕ್ಷಕರಿಗೆ ಸಿನೆಮಾಟಿಕ್ ಹಬ್ಬದ ಅನುಭವ ನೀಡುತ್ತಿದೆ.

ಚಿತ್ರದ ಕಥೆಯು ಮೊದಲ ಭಾಗ ಮುಗಿದ ಹಂತದಿಂದಲೇ ಮುಂದುವರಿಯುತ್ತದೆ. ಮಗ ಅರ್ಜುನ್‌ನನ್ನು ಕಳೆದುಕೊಂಡ ದುಃಖದಲ್ಲಿರುವ ಟೈಗರ್ ಮುತ್ತುವೇಲ್ ಪಾಂಡಿಯನ್ (ರಜನಿಕಾಂತ್) ಕುಟುಂಬಕ್ಕೆ ವರ್ಮನ್ ಜೊತೆಗಾರ ದಿಲೀಪ್ (ಸೂರಜ್ ವೆಂಜಾರಮೂಡು) ಮೂಲಕ ಹೊಸ ಕಂಟಕ ಎದುರಾಗುತ್ತದೆ. ಸಿಂದಿಕೇಟ್ ಮುಖ್ಯಸ್ಥರಾದ ಬೋಧಿ ಕಲ್ಪಕ್ (ಎಸ್.ಜೆ. ಸೂರ್ಯ), ಕಾಂತಾ ಕಲ್ಪಕ್ (ವಿದ್ಯಾ ಬಾಲನ್) ಹಾಗೂ ಕಲ್ಪಕ್ (ಮಿಥುನ್ ಚಕ್ರವರ್ತಿ) ನೇತೃತ್ವದ ಜಾಲವನ್ನು ಮುತ್ತುವೇಲ್ ಪಾಂಡಿಯನ್ ಹೇಗೆ ಮಟ್ಟಹಾಕುತ್ತಾರೆ ಎಂಬುದೇ ಚಿತ್ರದ ಮುಖ್ಯ ಕಥಾವಸ್ತು.

ರಜನಿ ಮಾಸ್ ಅವತಾರ: ಟೈಗರ್ ಮುತ್ತುವೇಲ್ ಪಾಂಡಿಯನ್ ಪಾತ್ರದಲ್ಲಿ ರಜನಿಕಾಂತ್ ಅವರ ಸ್ವಾಗ್, ಸ್ಕ್ರೀನ್ ಪ್ರೆಸೆಂಸ್ ಮತ್ತು ಮಾಸ್ ಎಲಿವೇಶನ್ ದೃಶ್ಯಗಳು ಚಿತ್ರದ ಜೀವಾಳ.

ನೆಲ್ಸನ್ ಶೈಲಿಯ ಕಾಮಿಡಿ: ಮೂರ್ತಿ (ನಾಮೋ ನಾರಾಯಣ್) ಹಾಗೂ ದಿಲೀಪ್ (ಸೂರಜ್ ವೆಂಜಾರಮೂಡು) ಪಾತ್ರಗಳ ನಡುವಿನ ಕಾಮಿಡಿ ಜುಗಲ್ಬಂದಿ ಪ್ರೇಕ್ಷಕರನ್ನು ನಗೆಗಡಲಲ್ಲಿ ತೇಲಿಸುತ್ತದೆ.

ಪಾತ್ರವರ್ಗದ ನಟನೆ: ಎಸ್.ಜೆ. ಸೂರ್ಯ ಹಾಗೂ ಸೂರಜ್ ವೆಂಜಾರಮೂಡು ಅಭಿನಯ ಪ್ರಶಂಸನೀಯವಾಗಿದ್ದು, ವಿದ್ಯಾ ಬಾಲನ್ ಸಣ್ಣ ಪಾತ್ರದಲ್ಲೂ ಗಮನ ಸೆಳೆಯುತ್ತಾರೆ.

ತಾಂತ್ರಿಕ ವಿಭಾಗ: ಅನಿರುದ್ಧ್ ರವಿಚಂದರ್ ಅವರ ಹಿನ್ನೆಲೆ ಸಂಗೀತ ಹಾಗೂ ವಿಜಯ್ ಕಾರ್ತಿಕ್ ಕಣ್ಣನ್ ಅವರ ಛಾಯಾಗ್ರಹಣ ಚಿತ್ರದ ತಾಂತ್ರಿಕ ಮೆರುಗನ್ನು ಹೆಚ್ಚಿಸಿದೆ.

ಚಿತ್ರದ ದ್ವಿತೀಯಾರ್ಧದಲ್ಲಿ ಕೆಲವು ಕಡೆ ಕಥೆಯ ವೇಗ ತಗ್ಗುವುದು, ಹೃತಿಕ್ ರೋಷನ್ ಅವರ ಅತಿಥಿ ಪಾತ್ರ ನಿರೀಕ್ಷಿತ ಮಟ್ಟದಲ್ಲಿ ಮೂಡಿಬಾರದಿರುವುದು ಹಾಗೂ 2 ಗಂಟೆ 45 ನಿಮಿಷಗಳ ಸುದೀರ್ಘ ಅವಧಿ ಕೊಂಚ ಹಿನ್ನಡೆಯೆನಿಸಿದರೂ, ಅಭಿಮಾನಿಗಳಿಗೆ ಮತ್ತು ಥಿಯೇಟರ್ ಪ್ರೇಕ್ಷಕರಿಗೆ ‘ಜೈಲರ್ 2’ ಪಕ್ಕಾ ಪೈಸಾ ವಸೂಲ್ ಮನರಂಜನೆ ನೀಡುತ್ತದೆ.