ಉಕ್ಕಿ ಹರಿದ ಪ್ರವಾಹದಲ್ಲಿ ಸಿಲುಕಿದ್ದ ಬೈಕ್ ಸವಾರ: ದುಪ್ಪಟ್ಟ ಬಳಸಿ ಜೀವ ಉಳಿಸಿದ ನವವಿವಾಹಿತೆ!

ಹಿಮಾಚಲ ಪ್ರದೇಶ: ಸುರಿದ ಭಾರಿ ಮಳೆಯು ಜನಜೀವನವನ್ನು ಅಸ್ತವ್ಯಸ್ತಗೊಳಿಸಿತ್ತು. ಚಂಬಾ ಜಿಲ್ಲೆಯ ಭರ್ಮಲಾ ಪ್ರದೇಶದ ಕಕಿರಾ-ತುನುಹಟ್ಟಿ ರಸ್ತೆಯಲ್ಲಿ ಎಂದಿನಂತೆ ಸಂಚಾರವಿತ್ತು. ಆದರೆ, ಮೇಲ್ಮೈಯಿಂದ ಅಚಾನಕ್ ಆಗಿ ಹರಿದುಬಂದ ಭಾರೀ ನೀರು, ಕೆಲವೇ ಕ್ಷಣಗಳಲ್ಲಿ ಇಡೀ ರಸ್ತೆಯನ್ನು ಉಕ್ಕಿ ಹರಿಯುವ ರಭಸದ ನದಿಯಂತೆ ಬದಲಾಯಿಸಿಬಿಟ್ಟಿತು. ಪ್ರವಾಹದಲ್ಲಿ ಸಿಲುಕಿ ಪ್ರಾಣ ಕಳೆದುಕೊಳ್ಳಬೇಕಿದ್ದ ಬೈಕ್ ಸವಾರ ಬದುಕಿದ್ದೇ ರೋಚಕ.

ವಿಡಿಯೋ ವೀಕ್ಷಿಸಲು ಈ ಲಿಂಕ್ ನೋಡಿ

A biker caught in a sudden flash flood in Himachal Pradesh's Chamba was pulled to safety by a family who risked the strong current to help him. The incident took place on the Kakiara-Tunuhatti road in the Bharmala area of Bhatiyat after heavy rain late in the evening caused water… pic.twitter.com/pdvEimLaER

— NDTV (@ndtv) September 1, 2026

ಅಪಾಯದಲ್ಲಿ ಸಿಲುಕಿದ ಸವಾರ

ಈ ಪ್ರಕ್ಷುಬ್ಧ ವಾತಾವರಣದಲ್ಲಿ ಘಟಕಾಶ್ನಿಯ ಮಾಮ್ಲಾ ಗ್ರಾಮದ ಬೈಕ್ ಸವಾರನೊಬ್ಬ ಅದೇ ರಸ್ತೆಯಲ್ಲಿ ಸಾಗುತ್ತಿದ್ದನು. ನೀರಿನ ರಭಸ ಎಷ್ಟೇ ಹೆಚ್ಚಿತ್ತೆಂದರೆ, ಆತನಿಗೆ ರಸ್ತೆಯ ಪರಿಸ್ಥಿತಿಯ ಗಂಭೀರತೆ ಅರಿಯಲು ಸಾಧ್ಯವಾಗಿರಲಿಲ್ಲ. ನೋಡನೋಡುತ್ತಿದ್ದಂತೆ ನೀರಿನ ತೀವ್ರ ಒತ್ತಡಕ್ಕೆ ಬೈಕ್ ಸಮತೋಲನ ಕಳೆದುಕೊಂಡಿತು. ಸವಾರ ಪ್ರವಾಹದ ಮಧ್ಯೆ ಸಿಲುಕಿರುಳಿಕೊಳ್ಳಲಾರಂಭಿಸಿದನು. ನೀರಿನ ರಭಸಕ್ಕೆ ಆತ ಕೊಚ್ಚಿಹೋಗುವ ಅಪಾಯವಿತ್ತು.

ದೇವದೂತರಂತೆ ಬಂದ ಕುಟುಂಬ ಮತ್ತು ನವವಿವಾಹಿತೆಯ ಸಾಹಸ

ಆ ಅಯೋಮಯ ಪರಿಸ್ಥಿತಿಯಲ್ಲಿ ಅದೇ ಮಾರ್ಗವಾಗಿ ಕಾರಿನಲ್ಲಿ ತೆರಳುತ್ತಿದ್ದ ಕುಟುಂಬವೊಂದು ಈ ದೃಶ್ಯವನ್ನು ಕಂಡಿತು. ಕೂಡಲೇ ಅವರು ತಮ್ಮ ವಾಹನವನ್ನು ನಿಲ್ಲಿಸಿ, ಪ್ರಾಣದ ಹಂಗು ತೊರೆದು ಸಹಾಯಕ್ಕೆ ಧಾವಿಸಿದರು.

ಮೊದಲ ಪ್ರಯತ್ನ: ಕಾರಿನಲ್ಲಿದ್ದ ವ್ಯಕ್ತಿಯೊಬ್ಬರು ನೀರಿನ ಹರಿವಿನ ಬಳಿ ತೆರಳಿ ಸವಾರನನ್ನು ತಲುಪಲು ಪ್ರಯತ್ನಿಸಿದರು. ಆದರೆ ನೀರಿನ ವೇಗ ಅಧಿಕವಾಗಿದ್ದ ಕಾರಣ ಒಂಟಿಯಾಗಿ ಹತ್ತಿರ ಹೋಗುವುದು ಅಸಾಧ್ಯವಾಯಿತು.

ಮಹಿಳೆಯರ ಸಮಯಪ್ರಜ್ಞೆ: ಪರಿಸ್ಥಿತಿಯ ಗಂಭೀರತೆ ಅರೆದ ಆ ಕಾರಿನಲ್ಲಿದ್ದ ನವವಿವಾಹಿತೆ ಹಾಗೂ ಮತ್ತೊಬ್ಬ ಮಹಿಳೆ ಕ್ಷಣಮಾತ್ರದಲ್ಲೂ ಯೋಚಿಸದೆ ತಮ್ಮ ಬಳಿಯಿದ್ದ ‘ದುಪಟ್ಟಾ’ (ಚುನ್ನಿ) ವನ್ನು ಹೊರತೆಗೆದರು.

ಆ ಮಹಿಳೆಯರು ತಮ್ಮ ದುಪಟ್ಟಾವನ್ನು ಹಗ್ಗದ ರೂಪದಲ್ಲಿ ಹಿಡಿದು, ಪ್ರವಾಹದಲ್ಲಿ ಪರದಾಡುತ್ತಿದ್ದ ಬೈಕ್ ಸವಾರನ ಕಡೆಗೆ ಚಾಚಿದರು. ಪ್ರಾಣಾಪಾಯದಲ್ಲಿದ್ದ ಸವಾರ ಆ ಬಟ್ಟೆಯನ್ನು ನಂಬಿಕೆಯೊಂದಿಗೆ ಗಟ್ಟಿಯಾಗಿ ಹಿಡಿದುಕೊಂಡನು.

ದುಪಟ್ಟಾವನ್ನು ಗಟ್ಟಿಯಾಗಿ ಹಿಡಿದುಕೊಂಡ ಸವಾರನಿಗೆ ಕುಟುಂಬದವರು ಮತ್ತು ಮತ್ತೊಬ್ಬ ಸ್ಥಳೀಯ ವ್ಯಕ್ತಿ ಒಟ್ಟಾಗಿ ಬಲವಾಗಿ ಎಳೆದುಕೊಂಡರು. ಅಂತಿಮವಾಗಿ ಎಲ್ಲರ ಸಾಮೂಹಿಕ ಪ್ರಯತ್ನದಿಂದ ಸವಾರನನ್ನು ಅಪಾಯಕಾರಿ ನೀರಿನಿಂದ ಸುರಕ್ಷಿತ ದಡಕ್ಕೆ ಕರೆತರಲಾಯಿತು.

ಈ ಸಂಪೂರ್ಣ ರೋಮಾಂಚಕಾರಿ ಘಟನೆಯು ಅಲ್ಲಿದ್ದವರ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಪ್ರಸ್ತುತ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಸಂಕಷ್ಟದ ಸಮಯದಲ್ಲಿ ಆ ಮಹಿಳೆಯರು ತೋರಿದ ಅಪ್ರತಿಮ ಧೈರ್ಯ, ಸಮಯಪ್ರಜ್ಞೆ ಹಾಗೂ ಮಾನವೀಯತೆಯನ್ನು ನೆಟ್ಟಿಗರು ಕೊಂಡಾಡುತ್ತಿದ್ದಾರೆ.