KEA ಭೂಮಾಪಕರ ನೇಮಕಾತಿ 2026: 750 ಹುದ್ದೆಗಳ ಅರ್ಜಿ ಸಲ್ಲಿಕೆ ಅವಧಿ ಆಗಸ್ಟ್ 20ರವರೆಗೆ ವಿಸ್ತರಣೆ, ಶೈಕ್ಷಣಿಕ ಅರ್ಹತೆಯಲ್ಲೂ ಬದಲಾವಣೆ!

ಬೆಂಗಳೂರು: ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು (KEA) ಭೂದಾಖಲೆಗಳು, ಸರ್ವೇ ಕಂದಾಯ ಮತ್ತು ಭೂದಾಖಲೆಗಳ ಇಲಾಖೆಯಲ್ಲಿ ಖಾಲಿ ಇರುವ 750 ಭೂಮಾಪಕ (Bhoomapaka – Group C) ಹುದ್ದೆಗಳ ನೇಮಕಾತಿಗೆ ಸಂಬಂಧಿಸಿದಂತೆ ಪ್ರಮುಖ ಪ್ರಕಟಣೆಯನ್ನು ಹೊರಡಿಸಿದೆ.

ಶೈಕ್ಷಣಿಕ ಅರ್ಹತಾ ಮಾನದಂಡಗಳನ್ನು ಪರಿಷ್ಕರಿಸಲಾಗಿರುವುದರಿಂದ ಅಭ್ಯರ್ಥಿಗಳಿಗೆ ಅರ್ಜಿ ಸಲ್ಲಿಸಲು ಮತ್ತಷ್ಟು ಕಾಲಾವಕಾಶ ನೀಡಲಾಗಿದ್ದು, ಆನ್‌ಲೈನ್ ಅರ್ಜಿ ಸಲ್ಲಿಕೆಯ ಕೊನೆಯ ದಿನಾಂಕವನ್ನು ಆಗಸ್ಟ್ 20, 2026 ರವರೆಗೆ ವಿಸ್ತರಿಸಲಾಗಿದೆ.

ಹುದ್ದೆಗಳ ವಿವರ ಮತ್ತು ಹಂಚಿಕೆ

ಒಟ್ಟು 750 ಹುದ್ದೆಗಳಿಗೆ ಎರಡು ಪ್ರತ್ಯೇಕ ಅಧಿಸೂಚನೆಗಳನ್ನು ಹೊರಡಿಸಲಾಗಿದೆ:

• ಮಿಕ್ಕಿದ ವೃಂದ (RPC / Regular Cadre): 560 ಹುದ್ದೆಗಳು

• ಕಲ್ಯಾಣ-ಕರ್ನಾಟಕ ವೃಂದ (KK / Local Cadre – Art. 371J): 190 ಹುದ್ದೆಗಳು

ಪ್ರಮುಖ ದಿನಾಂಕಗಳು

ವಿವರ ಹೊಸ ದಿನಾಂಕ (Revised Date)

ಆನ್‌ಲೈನ್ ಅರ್ಜಿ ಸಲ್ಲಿಕೆ ಕೊನೆಯ ದಿನಾಂಕ ಆಗಸ್ಟ್ 20, 2026
ಅರ್ಜಿ ಶುಲ್ಕ ಪಾವತಿಸಲು ಕೊನೆಯ ದಿನಾಂಕ ಆಗಸ್ಟ್ 21, 2026
ಸ್ಪರ್ಧಾತ್ಮಕ ಪರೀಕ್ಷೆ (ಪತ್ರಿಕೆ-II – ನಿರ್ದಿಷ್ಟ ವಿಷಯ) ಅಕ್ಟೋಬರ್ 03, 2026 (ಮಧ್ಯಾಹ್ನ 3:00 – 5:00)
ಸ್ಪರ್ಧಾತ್ಮಕ ಪರೀಕ್ಷೆ (ಪತ್ರಿಕೆ-I – ಸಾಮಾನ್ಯ ಜ್ಞಾನ) ಅಕ್ಟೋಬರ್ 04, 2026 (ಬೆಳಿಗ್ಗೆ 10:30 – 12:30

ಶೈಕ್ಷಣಿಕ ಅರ್ಹತೆ (ಪರಿಷ್ಕರಿಸಿದ ನಿಯಮದಂತೆ)

ಅಭ್ಯರ್ಥಿಗಳು ಮಾನ್ಯತೆ ಪಡೆದ ವಿಶ್ವವಿದ್ಯಾಲಯ ಅಥವಾ AICTE ಯಿಂದ ಕೆಳಗಿನವುಗಳಲ್ಲಿ ಯಾವುದಾದರೂ ಒಂದು ಅರ್ಹತೆ ಹೊಂದಿರಬೇಕು:

1. ಸಿವಿಲ್ ಎಂಜಿನಿಯರಿಂಗ್ / ತಂತ್ರಜ್ಞಾನ ಡಿಗ್ರಿ ಅಥವಾ ಯಾವುದೇ ವಿಭಾಗದ Diploma / Engineering Degree / AMIE.

2. B.Sc. ಪದವಿ: ಗಣಿತ, ಭೌತಶಾಸ್ತ್ರ, ಕಂಪ್ಯೂಟರ್ ಸೈನ್ಸ್, ಮಾಹಿತಿ ತಂತ್ರಜ್ಞಾನ, ಎಲೆಕ್ಟ್ರಾನಿಕ್ಸ್, ಕೃಷಿ, ತೋಟಗಾರಿಕೆ, ಅರಣ್ಯಶಾಸ್ತ್ರ, ರೇಷ್ಮೆ ಕೃಷಿ ಅಥವಾ ಮೀನುಗಾರಿಕೆ ವಿಭಾಗದಲ್ಲಿ ಪದವಿ ಹೊಂದಿದವರು ಅರ್ಹರು.

ವಯೋಮಿತಿ (29-01-2026 ರ ಸಡಿಲಿಕೆ ಆದೇಶದಂತೆ)

• ಸಾಮಾನ್ಯ ವರ್ಗ (General): ಗರಿಷ್ಠ 40 ವರ್ಷಗಳು

• ಪ್ರವರ್ಗ 2A, 2B, 3A, 3B: ಗರಿಷ್ಠ 43 ವರ್ಷಗಳು

• SC / ST / ಪ್ರವರ್ಗ-1: ಗರಿಷ್ಠ 45 ವರ್ಷಗಳು

ವೇತನ ಶ್ರೇಣಿ ಮತ್ತು ಅರ್ಜಿ ಶುಲ್ಕ

• ವೇತನ ಶ್ರೇಣಿ: ₹37,500 – ₹76,100 (2024 ಪರಿಷ್ಕೃತ ರಾಜ್ಯ ವೇತನ ಶ್ರೇಣಿ)

• ಅರ್ಜಿ ಶುಲ್ಕ:

  • ಸಾಮಾನ್ಯ ಮತ್ತು 2A/2B/3A/3B ಅಭ್ಯರ್ಥಿಗಳಿಗೆ: ₹750

  • SC / ST / ಪ್ರವರ್ಗ-1 / ಮಾಜಿ ಸೈನಿಕರು / ತೃತೀಯ ಲಿಂಗಿಗಳಿಗೆ: ₹500

  • ವಿಕಲಚೇತನ (PWD) ಅಭ್ಯರ್ಥಿಗಳಿಗೆ: ₹250

ಅರ್ಜಿ ಸಲ್ಲಿಸುವುದು ಹೇಗೆ?

1. ಅಧಿಕೃತ KEA ವೆಬ್‌ಸೈಟ್‌ಗೆ ಭೇಟಿ ನೀಡಿ: cetonline.karnataka.gov.in/kea.

2. ‘Land Surveyor Recruitment 2026’ ಲಿಂಕ್ ಮೇಲೆ ಕ್ಲಿಕ್ ಮಾಡಿ ನೋಂದಾಯಿಸಿಕೊಳ್ಳಿ.

3. ನಿಮ್ಮ ವೈಯಕ್ತಿಕ, ಶೈಕ್ಷಣಿಕ ಮತ್ತು ಮೀಸಲಾತಿ ವಿವರಗಳನ್ನು ಭರ್ತಿ ಮಾಡಿ.

4. ಭಾವಚಿತ್ರ ಹಾಗೂ ಸಹಿಯನ್ನು ನಿಗದಿತ ಸೈಜ್‌ನಲ್ಲಿ ಅಪ್‌ಲೋಡ್ ಮಾಡಿ.

5. ಅರ್ಜಿ ಶುಲ್ಕವನ್ನು ಆನ್‌ಲೈನ್ ಮೂಲಕ ಪಾವತಿಸಿ, ಅರ್ಜಿಯ ಪ್ರಿಂಟ್‌ಔಟ್ ಪಡೆದಿಟ್ಟುಕೊಳ್ಳಿ.