No products in the cart.

Home ದಾವಣಗೆರೆ ಭದ್ರಾ ಜಲಾಶಯಕ್ಕೆ ಒಳಹರಿವಿನಲ್ಲಿ ಕುಸಿತ, 13,123 ಸಾವಿರ ಕ್ಯೂಸೆಕ್ ನೀರು: ಇಂದಿನ ಭದ್ರಾ ಡ್ಯಾಂ ನೀರಿನ ಮಟ್ಟ ಇಲ್ಲಿದೆ!

ಭದ್ರಾ ಜಲಾಶಯಕ್ಕೆ ಒಳಹರಿವಿನಲ್ಲಿ ಕುಸಿತ, 13,123 ಸಾವಿರ ಕ್ಯೂಸೆಕ್ ನೀರು: ಇಂದಿನ ಭದ್ರಾ ಡ್ಯಾಂ ನೀರಿನ ಮಟ್ಟ ಇಲ್ಲಿದೆ!

YogarajUpdated 4 hours Ago1 Mins read37

ಶಿವಮೊಗ್ಗ/ದಾವಣಗೆರೆ: ಮಲೆನಾಡು ಹಾಗೂ ಜಲಾನಯನ ಪ್ರದೇಶಗಳಲ್ಲಿ ಮಳೆ ಮುಂದುವರಿದ ಹಿನ್ನೆಲೆಯಲ್ಲಿ ಶಿವಮೊಗ್ಗ ಜಿಲ್ಲೆಯ ಲಕ್ಕವಳ್ಳಿಯ ಭದ್ರಾ ಡ್ಯಾಂಗೆ ಹರಿಬರುತ್ತಿರುವ ಒಳಹರಿವಿನ ಪ್ರಮಾಣದಲ್ಲಿ ಗಣನೀಯ ಏರಿಕೆ ಕಂಡುಬಂದಿದೆ. ಇಂದು (ಜುಲೈ 10, 2026) ಬೆಳಿಗ್ಗೆ 6 ಗಂಟೆಯ ವರದಿಯಂತೆ ಜಲಾಶಯಕ್ಕೆ ಭಾರಿ ಪ್ರಮಾಣದ ನೀರು ಹರಿದುಬರುತ್ತಿದೆ.

ಪ್ರಸ್ತುತ ಭದ್ರಾ ಜಲಾಶಯದ ನೀರಿನ ಮಟ್ಟ 146 ಅಡಿ 1 ಇಂಚಿಗೆ ತಲುಪಿದೆ. ಜಲಾಶಯದ ಒಟ್ಟು ಗರಿಷ್ಠ ಮಟ್ಟ 186 ಅಡಿಗಳಾಗಿದ್ದು, ಪ್ರಸ್ತುತ ಜಲಾಶಯದಲ್ಲಿ 31.257 ಟಿಎಂಸಿ (TMC) ನೀರು ಸಂಗ್ರಹವಾಗಿದೆ. ಜಲಾಶಯದ ಒಟ್ಟು ಗರಿಷ್ಠ ಸಂಗ್ರಹ ಸಾಮರ್ಥ್ಯ 71.535 ಟಿಎಂಸಿ ಆಗಿದೆ.

ಒಳಹರಿವು ಮತ್ತು ಹೊರಹರಿವಿನ ವಿವರ:

ಪ್ರಸ್ತುತ ಜಲಾಶಯಕ್ಕೆ 13,123 ಕ್ಯೂಸೆಕ್ ಒಳಹರಿವು (Inflow) ಇದ್ದು, ಒಟ್ಟು ಹೊರಹರಿವು (Outflow) 218 ಕ್ಯೂಸೆಕ್ ಇದೆ. ಹೊರಹರಿವಿನ ಪೈಕಿ ಎಡದಂಡೆ ನಾಲೆಗೆ (LBC) 50 ಕ್ಯೂಸೆಕ್ ಹಾಗೂ ನದಿ ತೂಬಿನ (Riversluice) ಮೂಲಕ 100 ಕ್ಯೂಸೆಕ್ ನೀರನ್ನು ಬಿಡಲಾಗುತ್ತಿದ್ದು, 66 ಕ್ಯೂಸೆಕ್‌ನಷ್ಟು ನೀರು ಬಾಷ್ಪೀಕರಣಗೊಳ್ಳುತ್ತಿದೆ. ಇನ್ನು ಬಲದಂಡೆ ನಾಲೆಗೆ (RBC) ಸದ್ಯಕ್ಕೆ ನೀರು ಸ್ಥಗಿತಗೊಳಿಸಲಾಗಿದೆ.

ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಬಾರಿ ಕಮ್ಮಿ:

ಕಳೆದ ವರ್ಷ ಇದೇ ದಿನದಂದು ಜಲಾಶಯದಲ್ಲಿ 173 ಅಡಿ 7 ಇಂಚು ನೀರಿದ್ದು, 56.794 ಟಿಎಂಸಿ ಸಂಗ್ರಹವಿತ್ತು. ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಬಾರಿ ಜಲಾಶಯದಲ್ಲಿ ನೀರಿನ ಸಂಗ್ರಹ ಕೊಂಚ ಕಡಿಮೆಯಿದೆ. ಆದರೂ ಸದ್ಯ ಸುರಿಯುತ್ತಿರುವ ಮಳೆಯಿಂದಾಗಿ ರೈತರಲ್ಲಿ ಆಶಾಭಾವನೆ ಮೂಡಿದೆ.