SUDDIKSHANA KANNADA NEWS/ DAVANAGERE/ DATE:01-12-2024
ದಾವಣಗೆರೆ: ಜಿ. ಮಲ್ಲಿಕಾರ್ಜುನಪ್ಪ ಅವರ ಸ್ಮರಣಾರ್ಥಕವಾಗಿ ಜಿ. ಮಲ್ಲಿಕಾರ್ಜುನಪ್ಪ ಮೆಮೋರಿಯಲ್ ಕಪ್ ಶೀರ್ಷಿಕೆಡಿಯಲ್ಲಿ ಹಮ್ಮಿಕೊಳ್ಳಲಾಗಿದ್ದ ಪ್ರಥಮ ಬಾರಿಯ ರಾಜ್ಯಮಟ್ಟದ ಎಲ್ಲ ಪದವಿ ವಿದ್ಯಾರ್ಥಿಗಳ ಪುರುಷ ಮತ್ತು ಮಹಿಳೆಯರ ಹೊನಲು ಬೆಳಕಿನ ಬಾಸ್ಕೆಟ್ ಬಾಲ್ ಪಂದ್ಯಾವಳಿಯಲ್ಲಿ ಪುರುಷ ವಿಭಾಗದಲ್ಲಿ ಜಿಎಂ ವಿಶ್ವವಿದ್ಯಾಲಯದ ತಂಡ ಮತ್ತು ಮಹಿಳಾ ವಿಭಾಗದಲ್ಲಿ ಮೈಸೂರಿನ ವಿವಿಸಿಇ ತಂಡ ಚಾಂಪಿಯನ್ ಆಗಿ ಹೊರಹೊಮ್ಮಿವೆ.
ನಗರದ ಜಿಎಂ ವಿಶ್ವವಿದ್ಯಾಲಯದ ಬಾಸ್ಕೆಟ್ ಬಾಲ್ ಆಟದ ಅಂಗಳದಲ್ಲಿ ಜಿ.ಎಂ. ವಿಶ್ವವಿದ್ಯಾಲಯದ ವಿದ್ಯಾರ್ಥಿ ವ್ಯವಹಾರಗಳ ನಿರ್ದೇಶನಾಲಯ ಹಾಗೂ ದೈಹಿಕ ಶಿಕ್ಷಣ ಮತ್ತು ಕ್ರೀಡಾ ವಿಭಾಗದ ವತಿಯಿಂದ ಇದೇ ನವೆಂಬರ್
29,30 ಈ ಎರಡು ದಿನಗಳು ಪಂದ್ಯಾವಳಿ ನಡೆಸಲಾಯಿತು.
ಪುರುಷರ ವಿಭಾಗದ ಫೈನಲ್ ಪಂದ್ಯದಲ್ಲಿ ಎಸ್ಎಸ್ಐಎಂಎಸ್ ದಾವಣಗೆರೆ ಮತ್ತು ಜಿಎಂ ವಿಶ್ವ ವಿದ್ಯಾಲಯ (ಜಿಎಂಯು) ದಾವಣಗೆರೆ ತಂಡಗಳ ನಡುವಿನ ಆಟದಲ್ಲಿ ಎಸ್ಎಸ್ಐಎಂಎಸ್ ದಾವಣಗೆರೆ 46 ಅಂಕ ಪಡೆದು ಎರಡನೇ ಬಹುಮಾನವಾಗಿ 10,000 ನಗದು, ಆಕರ್ಷಕ ಟ್ರೋಫಿ ಪಡೆಯಿತು.
ಜಿಎಂ ವಿಶ್ವ ವಿದ್ಯಾಲಯದ ತಂಡ 49 ಪಡೆದು 3 ಅಂಕಗಳ ಮುನ್ನಡೆಯೊಂದಿಗೆ ಜಯ ಸಾಧಿಸಿ ಚಾಂಪಿಯನ್ ಆಗಿ ಹೊರಹೊಮಿತು. ಮೊದಲ ಬಹುಮಾನವಾಗಿ 20,000 ನಗದು ಮತ್ತು ಆಕರ್ಷಕ ಟ್ರೋಫಿ ಪಡೆಯಿತು.
ಮಹಿಳಾ ವಿಭಾಗದ ಫೈನಲ್ ಪಂದ್ಯದಲ್ಲಿ ಎಸ್ಎಸ್ಐಎಂಎಸ್ ದಾವಣಗೆರೆ ಮತ್ತು ವಿವಿಸಿಇ ಮೈಸೂರು ನಡುವಿನ ಆಟದಲ್ಲಿ ಎಸ್ಎಸ್ಐಎಂಎಸ್ ದಾವಣಗೆರೆ 3 ಅಂಕ ಪಡೆದು ಎರಡನೇ ಬಹುಮಾನವಾಗಿ 7,500 ನಗದು ಮತ್ತು
ಆಕರ್ಷಕ ಟ್ರೋಫಿ ಪಡೆಯಿತು. ವಿವಿಸಿಇ ಮೈಸೂರು 17 ಅಂಕಗಳ ಪಡೆದು 14 ಅಂಕಗಳ ಮುನ್ನಡೆಯೊಂದಿಗೆ ಚಾಂಪಿಯನ್ ಆಗಿ ಹೊರಹೊಮ್ಮಿ ಮೊದಲ ಬಹುಮಾನವಾಗಿ 10,000 ನಗದು, ಆಕರ್ಷಕ ಟ್ರೋಫಿ ಪಡೆಯಿತು.
ಪಂದ್ಯಾವಳಿಯಲ್ಲಿ ಚಾಂಪಿಯನ್ ಆಗಿ ಹೊರಹೊಮ್ಮಿದ ತಂಡಗಳಿಗೆ ಜಿಎಂ ವಿಶ್ವವಿದ್ಯಾಲಯದ ಕುಲಾಧಿಪತಿಗಳಾದ ಜಿ.ಎಂ. ಲಿಂಗರಾಜು ಅವರು ನಗದು ಬಹುಮಾನ ಮತ್ತು ಟ್ರೋಫಿ ನೀಡಿ ಶುಭ ಹಾರೈಸಿದರು.
ಈ ಸಂದರ್ಭದಲ್ಲಿ ಜಿಎಂ ವಿಶ್ವವಿದ್ಯಾಲಯದ ಕುಲಪತಿಗಳಾದ ಡಾ. ಎಸ್.ಆರ್. ಶಂಕಪಾಲ್, ಸಹ ಕುಲಪತಿಗಳಾದ ಡಾ. ಹೆಚ್.ಡಿ. ಮಹೇಶಪ್ಪ, ಕುಲಸಚಿವರಾದ ಡಾ. ಬಿ.ಎಸ್. ಸುನಿಲ್ ಕುಮಾರ್, ಸಂಶೋಧನೆ ವಿಭಾಗದ ಡೀನ್ ಡಾ. ಕೆ.ಎನ್. ಭರತ್, ವಿದ್ಯಾರ್ಥಿ ವ್ಯವಹಾರಗಳ ನಿರ್ದೇಶನಾಲಯದ ನಿರ್ದೇಶಕರಾದ ಡಾ. ಹೆಚ್.ಎಸ್. ಕಿರಣ್ ಕುಮಾರ್, ದೈಹಿಕ ಶಿಕ್ಷಣ ಮತ್ತು ಕ್ರೀಡಾ ವಿಭಾಗದ ನಿರ್ದೇಶಕರಾದ ಜಿ.ಬಿ. ಅಜಯ್ಯ ಸೇರಿದಂತೆ ವಿಭಾಗಗಳ ಮುಖ್ಯಸ್ಥರು, ಪ್ರಾಂಶುಪಾಲರು ಹಾಗೂ ನಿರ್ದೇಶಕರುಗಳು ಭಾಗವಹಿಸಿದ್ದರು.
ಸೆಮಿಫೈನಲ್ ನಲ್ಲಿ ಜೆಜೆಎಂಎಂಸಿ ದಾವಣಗೆರೆ ಮತ್ತು ಎಸ್ಎಸ್ಐಎಂಎಸ್ ದಾವಣಗೆರೆ ತಂಡಗಳ ನಡುವಿನ ಪಂದ್ಯಾಟದಲ್ಲಿ ಜೆಜೆಎಂಎಂಸಿ ದಾವಣಗೆರೆ 39, ಎಸ್ಎಸ್ಐಎಂಎಸ್ ದಾವಣಗೆರೆ 40 ಅಂಕ ಪಡೆದು ಒಂದು ಅಂಕ ಮುನ್ನಡೆ ಪಡೆದು ಜಯ ಸಾಧಿಸಿ ಫೈನಲ್ ಪ್ರವೇಶಿಸಿತು. ಅಂತೆಯೇ ಸಿಐಟಿ ಕೂರ್ಗ್ ಮತ್ತು ಜಿಎಂಯು ದಾವಣಗೆರೆ ತಂಡಗಳ ನಡುವಿನ ಪಂದ್ಯದಲ್ಲಿ ಸಿಐಟಿ ಕೂರ್ಗ್ 32 ಅಂಕ ಪಡೆದರೆ, ಜಿಎಂಯು ತಂಡ 40 ಅಂಕ ಪಡೆದು 8 ಅಂಕಗಳ ಮುನ್ನಡೆ
ಪಡೆದು ಜಯಸಾಧಿಸಿ ಫೈನಲ್ ಪ್ರವೇಶಿಸಿತು.
ಸೆಮಿಫೈನಲ್ ನ ಅಂಕ, ಜಯದ ವಿವರಣೆ : ಪುರುಷರ ವಿಭಾಗದ ಸೆಮಿಫೈನಲ್ ನಲ್ಲಿ ವಿವಿಸಿಇ ಮೈಸೂರು ಮತ್ತು ಎಸ್ಎಸ್ಐಎಮ್ಎಸ್ ದಾವಣಗೆರೆ ತಂಡಗಳ ನಡುವೆ ನಡೆದ ಪಂದ್ಯಾಟದಲ್ಲಿ ವಿವಿಸಿ ಮೈಸೂರು 33 ಅಂಕ ಪಡೆದರೆ ಎಸ್ಎಸ್ಐಎಂಎಸ್ ದಾವಣಗೆರೆ 38 ಅಂಕ ಪಡೆದು ಐದು ಅಂಕಗಳ ಮುನ್ನಡೆ ಸಾಧಿಸಿ ಜಯ ಪಡೆದಿದೆ. ಜೆಜೆಎಮ್ಎಂಸಿ ಮತ್ತು ಬಿಐಇಟಿ ನಡುವಿನ ಪಂದ್ಯಾಟದಲ್ಲಿ ಡಿಐಇಟಿ ತಂಡ 21, ಜೆಜೆಎಂಎಂಸಿ ತಂಡ 35 ಅಂಕಗಳಿಸಿ 14 ಅಂಕಗಳ ಮುನ್ನಡೆ ಪಡೆದು ಜಯ ಸಾಧಿಸಿದೆ. ಜೆಐಟಿ ಮತ್ತು ಸಿಐಟಿ ಕೂರ್ಗ್ ತಂಡಗಳ ನಡುವಿನ ಪಂದ್ಯದಲ್ಲಿ ಜೆಐಟಿ ನಾಲ್ಕು ಅಂಕ ಮತ್ತು ಸಿಐಟಿ ಕೂರ್ಗ್ 15 ಅಂಕ ಪಡೆದು 14 ಅಂಕಗಳ ಮುನ್ನಡೆ ಪಡೆದು ಜಯ ಸಾಧಿಸಿದೆ.
ನೋಕಿಸ್ ಹಾಸನ ಮತ್ತು ಯುಬಿಡಿಟಿ ಕಾಲೇಜಿನ ತಂಡದ ನಡುವಿನ ಪಂದ್ಯದಲ್ಲಿ ಯುಬಿಡಿಟಿ ಕಾಲೇಜಿನ ತಂಡ ಒಂದು ಅಂಕವನ್ನು ಪಡೆಯಲಾಗಿಲ್ಲ. ನವ್ ಕೀಸ್ ಹಾಸನದ ತಂಡ 26 ಅಂಕಗಳನ್ನು ಪಡೆದು ಜಯ ಸಾಧಿಸಿದೆ. ಜೆಜೆಎಂಸಿ ದಾವಣಗೆರೆ ಮತ್ತು ಡಾನ್ ಬಾಸ್ಕೋ ನಡುವಿನ ಪಂದ್ಯದಲ್ಲಿ ಡಾನ್ ಬಾಸ್ಕೋ ತಂಡ ಹದಿನಾರು ಅಂಕಗಳು ಮತ್ತು ಜೆಜೆಎಂಸಿ ತಂಡ 22 ಅಂಕವನ್ನು ಪಡೆದು ಆರು ಅಂಕಗಳ ಮುನ್ನಡೆಯೊಂದಿಗೆ ಜಯ ಸಾಧಿಸಿದೆ.
ಎಸ್ ಡಿಎಮ್ ಧಾರವಾಡ 13 ಅಂಕ ಮತ್ತು ಎಸ್ಎಸ್ಐಎಮ್ಎಸ್ ದಾವಣಗೆರೆ 37 ಅಂಕವನ್ನು ಪಡೆದು 24 ಅಂಕಗಳ ಮುನ್ನಡೆಯೊಂದಿಗೆ ಜಯ ಸಾಧಿಸಿದೆ. ಯುಬಿಡಿಟಿ ತಂಡ ಐದು ಅಂಕ ಮತ್ತು ಜಿಎಂಯು ಎ ತಂಡ 33 ಅಂಕವನ್ನು ಪಡೆದು 28 ಅಂಕಗಳ ಮುನ್ನಡೆಯೊಂದಿಗೆ ಜಯ ಸಾಧಿಸಿದೆ. ಜಿಎಂಯು ‘ಬಿ’ ತಂಡ 16 ಅಂಕ ಮತ್ತು ಸಿಐಟಿ ಕೂರ್ಗ್ ತಂಡ 24 ಅಂಕಗಳನ್ನು ಪಡೆದು ಎಂಟು ಅಂಕಗಳ ಮುನ್ನಡೆಯೊಂದಿಗೆ ಜಯ ಸಾಧಿಸಿದೆ. ನವ್ ಕೀಸ್ ತಂಡ 30 ಅಂಕ ಪಡೆದರೆ ಜಿಎಂಯು ‘ಎ’ ತಂಡ 40 ಅಂಕಗಳಿಸಿ 10 ಅಂಕಗಳ ಮುನ್ನಡೆಯೊಂದಿಗೆ ಜಯ ಸಾಧಿಸಿದೆ.
ಸೆಮಿಫೈನಲ್ ನಲ್ಲಿ ಮಹಿಳಾ ವಿಭಾಗದಲ್ಲಿ ಎಸ್ ಎಸ್ ಐಎಂಎಸ್ ದಾವಣಗೆರೆ ಮತ್ತು ಡಾನ್ ಬಾಸ್ಕೋ ತಂಡಗಳ ನಡುವಿನ ಆಟದಲ್ಲಿ ಎಸ್ಎಸ್ಐಎಂಎಸ್ ತಂಡ 13 ಅಂಕಗಳನ್ನು ಪಡೆದು ಜಯ ಸಾಧಿಸಿದೆ. ಡಾನ್ ಬಾಸ್ಕೋ ತಂಡ ಒಂದು ಅಂಕವನ್ನು ಪಡೆಯದೆ ಸೋಲೊಪ್ಪಿಕೊಂಡಿದೆ. ಬಿಐಟಿ ದಾವಣಗೆರೆ ತಂಡ 7 ಅಂಕವನ್ನು ಪಡೆದರೆ ವಿವಿಸಿಇ ತಂಡ 21 ಅಂಕಗಳನ್ನು ಪಡೆದು 14 ಅಂಕಗಳ ಮುನ್ನಡೆಯೊಂದಿಗೆ ಜಯ ಸಾಧಿಸಿದೆ.
ಡಾನ್ ಬಾಸ್ಕೋ ತಂಡ 4 ಅಂಕಗಳನ್ನು ಪಡೆದರೆ, ಜಿಎಂಯು ‘ಎ’ ತಂಡ 6 ಅಂಕಗಳನ್ನು ಪಡೆದು ಎರಡು ಅಂಕಗಳ ಮುನ್ನಡೆಯೊಂದಿಗೆ ಜಯ ಸಾಧಿಸಿದೆ. ವಿವಿಸಿಇ ತಂಡ 23 ಅಂಕಗಳನ್ನ ಪಡೆದು ಜಯ ಸಾಧಿಸಿದರೆ ಜಿಎಂಯು ಬಿ ತಂಡ ಒಂದು ಅಂಕವನ್ನು ಪಡೆಯದೆ ಸೋಲೊಪ್ಪಿಕೊಂಡಿದೆ.
