ಮಹಾರಾಷ್ಟ್ರ ರಾಜಕೀಯದ ದೈತ್ಯ ಶಕ್ತಿ ಅಜಿತ್ ಪವಾರ್ ಆಸ್ತಿ ಎಷ್ಟು? ಕುತೂಹಲಕಾರಿ ಮಾಹಿತಿ!

ಮುಂಬೈ: ಮಹಾರಾಷ್ಟ್ರದ ಡಿಸಿಎಂ, ರಾಜಕೀಯ ಧೀಮಂತ ನಾಯಕ ಅಜಿತ್ ಪವಾರ್ ಅವರು ಬಾರಾಮತಿ ಬಳಿ ಸಂಭವಿಸಿದ ಭೀಕರ ವಿಮಾನ ಅಪಘಾತದಲ್ಲಿ ನಿಧನರಾದ ಸುದ್ದಿ ಇಡೀ ದೇಶವನ್ನು ಆಘಾತಕ್ಕೀಡುಮಾಡಿದೆ. ದಶಕಗಳ ಕಾಲ ರಾಜ್ಯ ರಾಜಕಾರಣದಲ್ಲಿ ಸಕ್ರಿಯರಾಗಿದ್ದ ಅವರು, ತಮ್ಮ ಆಡಳಿತಾತ್ಮಕ ಚಾತುರ್ಯ ಮತ್ತು ಬಾರಾಮತಿ ಕ್ಷೇತ್ರದ ಮೇಲಿನ ಹಿಡಿತಕ್ಕೆ ಹೆಸರಾಗಿದ್ದರು.

ಅವರ ನಿಧನದ ಹಿನ್ನೆಲೆಯಲ್ಲಿ, ಅವರ ಗಳಿಸಿದ್ದ ಆಸ್ತಿ ಮತ್ತು ಅವರ ಆರ್ಥಿಕ ಹಿನ್ನೆಲೆಯ ಕುರಿತು ಎಲ್ಲರಲ್ಲಿಯೂ ಕುತೂಹಲ ಗರಿಗೆದರಿದೆ.

ಅಜಿತ್ ಪವಾರ್ ಅವರ ಆಸ್ತಿ ವಿವರ (2024ರ ಅಫಿಡವಿಟ್ ಪ್ರಕಾರ):

2024ರ ವಿಧಾನಸಭಾ ಚುನಾವಣೆಯ ಸಂದರ್ಭದಲ್ಲಿ ಸಲ್ಲಿಸಿದ ಪ್ರಮಾಣಪತ್ರದ ಪ್ರಕಾರ, ಅಜಿತ್ ಪವಾರ್ ಮತ್ತು ಅವರ ಕುಟುಂಬದ ಒಟ್ಟು ನಿವ್ವಳ ಮೌಲ್ಯ ಸುಮಾರು 124.55 ಕೋಟಿ ರೂ. ಎಂದು ಅಂದಾಜಿಸಲಾಗಿದೆ.

ಈ ಬಂಡವಾಳವು ದಶಕಗಳ ಕಾಲದ ಹೂಡಿಕೆ, ಕೃಷಿ ಮತ್ತು ವ್ಯವಹಾರಗಳ ಮೂಲಕ ನಿರ್ಮಾಣವಾಗಿದೆ.

ವೈಯಕ್ತಿಕ ಆಸ್ತಿಗಳು (ಚರಾಸ್ತಿ)

ನಗದು ಮತ್ತು ಬ್ಯಾಂಕ್ ಠೇವಣಿ: ಸುಮಾರು 6.81 ಕೋಟಿ ರೂ. ಬ್ಯಾಂಕ್ ಖಾತೆಗಳಲ್ಲಿದ್ದು, 14.12 ಲಕ್ಷ ರೂ. ನಗದು ಹೊಂದಿದ್ದರು.

ಹೂಡಿಕೆಗಳು:

ಷೇರುಗಳು, ಬಾಂಡ್‌ಗಳು ಮತ್ತು ಡಿಬೆಂಚರ್‌ಗಳಲ್ಲಿ 55 ಲಕ್ಷ ರೂ.ಗೂ ಅಧಿಕ ಹೂಡಿಕೆ.

ವಿಮೆ: 1 ಕೋಟಿ ರೂ.ಗೂ ಅಧಿಕ ಮೌಲ್ಯದ ಎಲ್‌ಐಸಿ ಪಾಲಿಸಿಗಳು.

ವಾಹನಗಳು:

ಟೊಯೋಟಾ ಕ್ಯಾಮ್ರಿ, ಹೋಂಡಾ ಸಿಆರ್‌ವಿ ಮತ್ತು ಒಂದು ಟ್ರ್ಯಾಕ್ಟರ್ ಸೇರಿದಂತೆ ಕೃಷಿ ಉಪಕರಣಗಳು.

ಸ್ಥಿರಾಸ್ತಿಗಳು:

ಕೃಷಿ ಭೂಮಿ:

ಬಾರಾಮತಿ ಮತ್ತು ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಸುಮಾರು 13.21 ಕೋಟಿ ರೂ. ಮೌಲ್ಯದ ಕೃಷಿ ಭೂಮಿ.

ಮನೆಗಳು ಮತ್ತು ವಾಣಿಜ್ಯ ಕಟ್ಟಡಗಳು: ಇವರ ಹೆಸರಿನಲ್ಲಿ 4 ಮನೆಗಳಿದ್ದು, ಮುಂಬೈ ಮತ್ತು ಪುಣೆಯಲ್ಲಿ ಬೆಲೆಬಾಳುವ ಫ್ಲ್ಯಾಟ್‌ಗಳನ್ನು ಹೊಂದಿದ್ದಾರೆ. ಅಲ್ಲದೆ 11 ಕೋಟಿ ರೂ. ಮೌಲ್ಯದ ವಾಣಿಜ್ಯ ಕಟ್ಟಡವೂ ಇವರ ಆಸ್ತಿಯಲ್ಲಿದೆ.

ಪತ್ನಿ ಸುನೇತ್ರಾ ಪವಾರ್ ಅವರ ಪಾಲು:

ಅಜಿತ್ ಪವಾರ್ ಅವರ ಆಸ್ತಿಯಲ್ಲಿ ಅವರ ಪತ್ನಿ ಸುನೇತ್ರಾ ಪವಾರ್ ಅವರ ಪಾಲೂ ದೊಡ್ಡದಿದೆ.

ಚರಾಸ್ತಿ: 14.57 ಕೋಟಿ ರೂ.

ಸ್ಥಿರಾಸ್ತಿ: 58.39 ಕೋಟಿ ರೂ.

ಬಂಡವಾಳ ನಿರ್ಮಾಣದ ಹಾದಿ:

ಅಜಿತ್ ಪವಾರ್ ಅವರ ಆರ್ಥಿಕ ಬೆಳವಣಿಗೆಯು ಕೇವಲ ರಾಜಕೀಯದಿಂದ ಮಾತ್ರ ಬಂದಿದ್ದಲ್ಲ; ಅವರ ಕುಟುಂಬವು ದಶಕಗಳಿಂದ ಸಕ್ಕರೆ ಸಹಕಾರಿ ಸಂಘಗಳು, ಬ್ಯಾಂಕಿಂಗ್ ಕ್ಷೇತ್ರ ಮತ್ತು ಕೃಷಿ ಆಧರಿತ ಕೈಗಾರಿಕೆಗಳಲ್ಲಿ ತೊಡಗಿಸಿಕೊಂಡಿದೆ.

ಸಹಕಾರಿ ಕ್ಷೇತ್ರ:

1982ರಲ್ಲಿ ಸಕ್ಕರೆ ಸಹಕಾರಿ ಮಂಡಳಿಯ ಮೂಲಕ ವೃತ್ತಿಜೀವನ ಆರಂಭಿಸಿದ ಅವರು, ಕೃಷಿ ಮತ್ತು ಸಹಕಾರಿ ಕ್ಷೇತ್ರಗಳಲ್ಲಿ ಬಲವಾದ ಹಿಡಿತ ಹೊಂದಿದ್ದರು.

ವ್ಯವಹಾರ:

ಅವರ ಕುಟುಂಬವು ರಿಯಲ್ ಎಸ್ಟೇಟ್ ಮತ್ತು ಕೃಷಿ ವ್ಯವಹಾರಗಳಲ್ಲಿ ಹೂಡಿಕೆ ಮಾಡಿದೆ.

ಕ್ಲೀನ್ ಚಿಟ್:

ಈ ಹಿಂದೆ ಅವರ ಮೇಲೆ 1,000 ಕೋಟಿ ರೂ.ಗಳ ಬೇನಾಮಿ ಆಸ್ತಿ ಆರೋಪ ಕೇಳಿಬಂದಿತ್ತಾದರೂ, 2024ರ ಡಿಸೆಂಬರ್‌ನಲ್ಲಿ ನ್ಯಾಯಮಂಡಳಿಯು ಅವರಿಗೆ ಈ ಪ್ರಕರಣದಲ್ಲಿ ಕ್ಲೀನ್ ಚಿಟ್ ನೀಡಿತ್ತು.

ಮಹಾರಾಷ್ಟ್ರದ ಆಡಳಿತ ಯಂತ್ರದ ಮೇಲೆ ಅಪ್ರತಿಮ ಹಿಡಿತ ಹೊಂದಿದ್ದ ಅಜಿತ್ ಪವಾರ್ ಅವರ ಅನುಪಸ್ಥಿತಿ ರಾಜ್ಯ ರಾಜಕಾರಣದಲ್ಲಿ ದೊಡ್ಡ ಶೂನ್ಯವನ್ನು ಸೃಷ್ಟಿಸಿದೆ.