4 ವರ್ಷಗಳಲ್ಲಿ 111 ಸಂಸದರು, ಶಾಸಕರ ಪಕ್ಷಾಂತರ: ಶೇಕಡಾ 26ರಷ್ಟು ನಾಯಕರನ್ನ ತನ್ನತ್ತ ಸೆಳೆದ ಬಿಜೆಪಿ: ಎಡಿಆರ್ ವರದಿ!

ನವದೆಹಲಿ: ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಿ ಚುನಾವಣೆಯ ನಂತರ ಜನಪ್ರತಿನಿಧಿಗಳು ತಮ್ಮ ಪಕ್ಷಗಳನ್ನು ಬದಲಾಯಿಸುವ ‘ಆಯಾರಾಮ್ ಗಯಾರಾಮ್’ ಸಂಸ್ಕೃತಿ ಇನ್ನೂ ಜೀವಂತವಾಗಿದೆ ಎಂಬುದನ್ನು ಅಸೋಸಿಯೇಷನ್ ಫಾರ್ ಡೆಮಾಕ್ರಟಿಕ್ ರಿಫಾರ್ಮ್ಸ್  ಬಹಿರಂಗಪಡಿಸಿದೆ. 2022 ರಿಂದ 2026ರ ನಡುವೆ ದೇಶಾದ್ಯಂತ ಒಟ್ಟು 111 ಹಾಲಿ ಸಂಸದರು  ಹಾಗೂ ಶಾಸಕರು ತಾವು ಆಯ್ಕೆಯಾಗಿದ್ದ ರಾಜಕೀಯ ಪಕ್ಷಗಳನ್ನು ತೊರೆದು ಬೇರೆ ಪಕ್ಷಗಳನ್ನು ಸೇರಿಕೊಂಡಿದ್ದಾರೆ. ಶೇಕಡಾ 26ರಷ್ಚು ನಾಯಕರನ್ನು ಬಿಜೆಪಿ ತನ್ನತ್ತ ಸೆಳೆದುಕೊಂಡಿದೆ.

ಬಿಜೆಪಿಗೆ ಸೇರಿದವರು:

ಪಕ್ಷಾಂತರಗೊಂಡ 111 ಜನಪ್ರತಿನಿಧಿಗಳಲ್ಲಿ 29 ಜನರು (26%) ಭಾರತೀಯ ಜನತಾ ಪಾರ್ಟಿ (BJP) ಸೇರಿದ್ದಾರೆ. ಇದರಲ್ಲಿ ಆಮ್ ಆದ್ಮಿ ಪಾರ್ಟಿಯಿಂದ (AAP) ಬಿಜೆಪಿಗೆ ಸೇರಿದ ಸ್ವಾತಿ ಮಾಲಿವಾಲ್, ರಾಘವ್ ಚಡ್ಢಾ ಹಾಗೂ ಹರ್ಭಜನ್ ಸಿಂಗ್ ಸೇರಿದಂತೆ 7 ರಾಜ್ಯಸಭಾ ಸಂಸದರು ಸೇರಿದ್ದಾರೆ.

ನಾಗಾ ಪೀಪಲ್ಸ್ ಫ್ರಂಟ್ (NPF) ಪ್ರಥಮ ಸ್ಥಾನ: ಎನ್‌ಪಿಎಫ್ ಗರಿಷ್ಠ 32 (29%) ಶಾಸಕರನ್ನು ಪಡೆಯುವ ಮೂಲಕ ಪ್ರಥಮ ಸ್ಥಾನದಲ್ಲಿದೆ. ಆದರೆ ಇದು ವೈಯಕ್ತಿಕ ಪಕ್ಷಾಂತರವಲ್ಲದೆ, ನಾಗಾಲ್ಯಾಂಡ್ ಸಿಎಂ ನೇಫಿಯು ರಿಯೊ ဦး do ತ್ವದ NDPP ಪಕ್ಷದ ವಿಲೀನದ ಫಲವಾಗಿದೆ.

ನ್ಯಾಷನಲಿಸ್ಟ್ ಸಿಟಿಜನ್ಸ್ ಪಾರ್ಟಿ ಆಫ್ ಇಂಡಿಯಾ (NCPI): ಪಶ್ಚಿಮ ಬಂಗಾಳದ ತೃಣಮೂಲ ಕಾಂಗ್ರೆಸ್‌ನ (TMC) 20 ಲೋಕಸಭಾ ಸಂಸದರು ಬಂಡಾಯವೆದ್ದು NCPI ಜೊತೆ ವಿಲೀನಗೊಂಡಿದ್ದಾರೆ.

ಹೆಚ್ಚು ನಷ್ಟ ಅನುಭವಿಸಿದ ಪಕ್ಷಗಳು: ನಾಗಾಲ್ಯಾಂಡ್‌ನ NDPP (25), ತೃಣಮೂಲ ಕಾಂಗ್ರೆಸ್ (20) ಮತ್ತು ಕಾಂಗ್ರೆಸ್ (19) ಪಕ್ಷಗಳು ಅತಿ ಹೆಚ್ಚು ಜನಪ್ರತಿನಿಧಿಗಳನ್ನು ಕಳೆದುಕೊಂಡಿವೆ.

ರಾಜ್ಯಗಳ ಪಟ್ಟಿ: ನಾಗಾಲ್ಯಾಂಡ್‌ (32) ಪ್ರಥಮ ಸ್ಥಾನದಲ್ಲಿದ್ದರೆ, ಪಶ್ಚಿಮ ಬಂಗಾಳ (20), ತೆಲಂಗಾಣ (9), ಗೋವಾ (8) ಹಾಗೂ ಪಂಜಾಬ್ (8) ನಂತರದ ಸ್ಥಾನಗಳಲ್ಲಿವೆ.

ಎಡಿಆರ್ (ADR) ಸಂಸ್ಥೆಯು ಪಕ್ಷಾಂತರ ತಡೆ ಕಾಯ್ದೆಯನ್ನು (Tenth Schedule) ಮತ್ತಷ್ಟು ಬಿಗಿಗೊಳಿಸಬೇಕೆಂದು ಹಾಗೂ ಸ್ಪೀಕರ್ ಬದಲು ರಾಷ್ಟ್ರಪತಿ ಅಥವಾ ರಾಜ್ಯಪಾಲರು ಈ ಅರ್ಹತಾ ನಿರ್ಧಾರಗಳನ್ನು ತೆಗೆದುಕೊಳ್ಳಬೇಕೆಂದು ಶಿಫಾರಸು ಮಾಡಿದೆ.