Home ಕ್ರೀಡೆ ಹರಿಣಿಗಳಿಗೆ ಬೃಹತ್ ಟಾರ್ಗೆಟ್ ನೀಡಿದ ಭಾರತ: 52ನೇ ಶತಕ ಬಾರಿಸಿ ವಿರಾಟ್ ಆಟ ಆಡಿದ ಕೊಹ್ಲಿ, ರೋಹಿತ್ – ರಾಹುಲ್ ಅರ್ಧಶತಕದ ಸೊಬಗು
ಕ್ರೀಡೆನವದೆಹಲಿ

ಹರಿಣಿಗಳಿಗೆ ಬೃಹತ್ ಟಾರ್ಗೆಟ್ ನೀಡಿದ ಭಾರತ: 52ನೇ ಶತಕ ಬಾರಿಸಿ ವಿರಾಟ್ ಆಟ ಆಡಿದ ಕೊಹ್ಲಿ, ರೋಹಿತ್ – ರಾಹುಲ್ ಅರ್ಧಶತಕದ ಸೊಬಗು

Share
Share

SUDDIKSHANA KANNADA NEWS/DAVANAGERE/DATE:30_11_2025

ರಾಂಚಿ: ಇಲ್ಲಿ ನಡೆದ ಏಕದಿನ ಕ್ರಿಕೆಟ್ ನ ಮೊದಲ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಟೀಂ ಇಂಡಿಯಾ ಬೃಹತ್ ಮೊತ್ತ ಪೇರಿಸಿದೆ. ನಿಗದಿತ 50 ಓವರ್ ಗಳಲ್ಲಿ 349 ರನ್ ಪೇರಿಸಿದ್ದು, ಹರಿಣಿಗಳಿಗೆ 350 ರನ್ ಗಳ ಬೃಹತ್ ಮೊತ್ತದ ಟಾರ್ಗೆಟ್ ನೀಡಿದೆ.

ದಕ್ಷಿಣ ಆಫ್ರಿಕಾ ವಿರುದ್ಧ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಗೆ ಇಳಿದ ಭಾರತವು ಉತ್ತಮ ರನ್ ಪೇರಿಸಿತು. ವಿರಾಟ್ ಕೊಹ್ಲಿ 52ನೇ ಶತಕ ಪೂರೈಸಿದರೆ, ರೋಹಿತ್ ಶರ್ಮಾ ಮತ್ತು ಕೆ. ಎಲ್. ರಾಹುಲ್ ಭರ್ಜರಿ ಅರ್ಧ ಶತಕ ಗಳಿಸಿ ಗಮನ ಸೆಳೆದರು.

ದಕ್ಷಿಣ ಆಫ್ರಿಕಾ ವಿರುದ್ಧದ ಏಕದಿನ ಸರಣಿಯ ಆರಂಭಿಕ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ತಮ್ಮ 52 ನೇ ಏಕದಿನ ಶತಕ ಬಾರಿಸಿದರು. ಈ ವೇಳೆ ಅಭಿಮಾನಿಗಳು ಕುಣಿದು ಕುಪ್ಪಳಿಸಿದರು.

ಅನುಭವಿ ಆಟಗಾರ ಕೊಹ್ಲಿ 102 ಎಸೆತಗಳಲ್ಲಿ ಶತಕ ಗಳಿಸಿದರು. ಐದು ಸಿಕ್ಸರ್ ಬಾರಿಸಿ ಪ್ರೇಕ್ಷಕರನ್ನು ರಂಜಿಸಿದರು, ಬೌಂಡರಿ, ಸಿಕ್ಸರ್ ಗಳನ್ನು ಕಲಾತ್ಮಕ ಹೊಡೆತದ ಮೂಲಕ ಗಳಿಸಿದ್ದು ವಿಶೇಷ.

ರಾಂಚಿಯಲ್ಲಿ ಕೊಹ್ಲಿ ಬಾರಿಸಿದ್ದು ಮೂರನೇ ಏಕದಿನ ಶತಕ.ಕೊಹ್ಲಿ ಶತಕ ಸೂಪರ್ ಆಗಿತ್ತು. ಪ್ರೇಕ್ಷಕರು ಪ್ರತಿ ಎಸೆತಕ್ಕೂ ಸಿಕ್ಸರ್, ಬೌಂಡರಿ ಎಂಬ ಘೋಷಣೆ ಹಾಕುತ್ತಿದ್ದರು.

ರೋಹಿತ್ ಶರ್ಮಾ ಔಟಾದ ನಂತರ ರಕ್ಷಣಾತ್ಮಕ ಆಟಕ್ಕೆ ವಿರಾಟ್ ಕೊಹ್ಲಿ ಮುಂದಾದರು. ರುತುರಾಜ್ ಗೈಕ್ವಾಡ್ ಮತ್ತು ವಾಷಿಂಗ್ಟನ್ ಸುಂದರ್ ವಿಫಲರಾದರು.

Share

Leave a comment

Leave a Reply

Your email address will not be published. Required fields are marked *