SUDDIKSHANA KANNADA NEWS/ DAVANAGERE/ DATE-27-04-2025
ಚೆನ್ನೈ: ಕಾಲಿವುಡ್ ಖ್ಯಾತ ನಟಿ ಶ್ರುತಿ ಹಾಸನ್ ಜನಪ್ರಿಯ ತಾರೆ. ಕೋಟ್ಯಂತರ ಅಭಿಮಾನಿಗಳನ್ನು ಹೊಂದಿದ್ದಾರೆ. ತೆಲುಗು, ತಮಿಳು ಚಿತ್ರರಂಗದಲ್ಲಿ ಬಹುಬೇಡಿಕೆಯ ನಟಿ. ಮಹೇಶ್ ಬಾಬು, ಪವನ್ ಕಲ್ಯಾಣ್, ಅಲ್ಲು ಅರ್ಜುನ್, ಚಿರಂಜೀವಿ, ಸಿದ್ಧಾರ್ಥ, ಅಜಿತ್, ವಿಜಯ್ ಸೇರಿದಂತೆ ಘಟಾನುಘಟಿ ನಾಯಕರ ಚಿತ್ರಗಳಲ್ಲಿ ನಟಿಸಿ ಸೈ ಎನಿಸಿಕೊಂಡಿದ್ದಾರೆ. ಆದ್ರೆ, ವೈಯಕ್ತಿಕ ಬದುಕಿನಲ್ಲಿ ಬಿರುಗಾಳಿ ಎದ್ದಿರುವುದು ಹಲವು ಬಾರಿ.
ಅದೂ ಬಾಯ್ ಫ್ರೆಂಡ್ ಗಳ ವಿಚಾರದಲ್ಲಿ ಯಾವಾಗಲೂ ಶ್ರುತಿ ಹಾಸನ್ ಸುದ್ದಿಯಲ್ಲಿರುತ್ತಾರೆ. ತಂದೆ ಕಮಲ್ ಹಾಸನ್ ಪುತ್ರಿಯೂ ಆಗಿರುವ ಶ್ರುತಿ ಹಾಸನ್ ಅದ್ಭುತ ನಟಿ ಎಂಬುದರಲ್ಲಿ ಎರಡು ಮಾತಿಲ್ಲ. ಪ್ರೀತಿ ವಿಚಾರ ಬಂದಾಗ ಆಗಾಗ್ಗೆ ಎಡುವುತ್ತಲೇ ಇರುತ್ತಾರೆ. ಆದ್ರೆ, ಈಗ ಜನರು ಎಷ್ಟನೇ ನಂಬರ್ ನ ಬಾಯ್ ಫ್ರೆಂಡ್ ಎಂದು ಅಭಿಮಾನಿಗಳು ಕೇಳಿದ್ದು, ಇದಕ್ಕೆ ಶ್ರುತಿ ಹಾಸನ್ ನನಗೆ ಇದರ ಬಗ್ಗೆ ಬೇಸರ ಇಲ್ಲ ಎಂದು ಹೇಳಿದ್ದಾರೆ.
ಸಾರ್ವಜನಿಕವಾಗಿ ತನ್ನ ಸಂಬಂಧಗಳ ಬಗ್ಗೆ ಶ್ರುತಿ ಹಾಸನ್ ಸಾಕಷ್ಟು ಮಾತನಾಡುತ್ತಲೇ ಇರುತ್ತಾರೆ. ಬಾಯ್ ಫ್ರೆಂಡ್ ಜೊತೆ ಬ್ರೇಕ್ ಅಪ್ ಆದಾಗಲೂ ಮಾಧ್ಯಮಗಳಿಂದ ಮರೆಮಾಚಲ್ಲ ಶ್ರುತಿ ಹಾಸನ್. ಇತ್ತೀಚೆಗೆ ಫಿಲ್ಮ್‌ಫೇರ್‌ನಲ್ಲಿ ಮಾತನಾಡುವಾಗ ಶ್ರುತಿ ಹಾಸನ್ ಗೆ ‘ಇದು ಯಾವ ಸಂಖ್ಯೆಯ ಗೆಳೆಯ’ ಎಂದು ಫ್ಯಾನ್ಸ್ ಕೇಳಿದಾಗ ಅಂಜದೇ ಅಳುಕದೇ ಉತ್ತರ ನೀಡಿಯೇ ಬಿಟ್ಟರು.
ಫಿಲ್ಮ್ ಫೇರ್ ಗೆ ಬಂದಾಗ ಶ್ರುತಿ ಅವರಿಗೆ ಪ್ರಶ್ನೆಯೊಂದು ಕೇಳಲಾಯಿತು. ಜೀವನದಲ್ಲಿ ಏನಾದರೂ ವಿಷಾದವಿದೆಯೇ? ಎಂದು. ಆಗ “ನಾನು ಕೆಲವರನ್ನು ನೋಯಿಸಿದ್ದೇನೆ ಮತ್ತು ನಾನು ಹಾಗೆ ಮಾಡದಿದ್ದರೆ ಎಷ್ಟು ಚೆನ್ನಾಗಿರುತ್ತಿತ್ತು. ಉಳಿದಂತೆ, ನನಗೆ ಯಾವುದೇ ವಿಷಾದವಿಲ್ಲ. ನಾನು ಹೇಗಿದ್ದೇನೋ ಅದು ಸರಿಯಾಗಿದೆ ಎಂಬುದು ನನ್ನ ವೈಯಕ್ತಿಕ ಅಭಿಪ್ರಾಯ. ತುಂಬಾ ಮೌಲ್ಯಯುತವಾಗಿದ್ದ ಕೆಲವರನ್ನು ನೋಯಿಸಿದ್ದೇನೆ. ನಾನು ಯಾವಾಗಲೂ ಅದಕ್ಕಾಗಿ ಕ್ಷಮಿಸಿ ಎಂದು ಕೇಳುತ್ತೇನೆ ಎಂದಿದ್ದಾರೆ.
ಲವ್ ಬ್ರೇಕ್ ಅಪ್ ನಿಂದ ನಾನು ವಿಚಲಿತಳಾಗಿಲ್ಲ. ನಮಗೆಲ್ಲರಿಗೂ ಒಬ್ಬ ಅಪಾಯಕಾರಿ ಮಾಜಿ ಗೆಳೆಯ ಇರುತ್ತಾನೆ. ಆದ್ರೆ, ಅದನ್ನು ಬಿಟ್ಟರೆ ನಾನು ಯಾವುದೇ ವಿಷಾದವಿಲ್ಲದೆ ಮರೆತಿದ್ದೇನೆ. ಅದಕ್ಕಾಗಿಯೇ ಜನರು, ಓಹ್, ಇದು ಯಾವ ಸಂಖ್ಯೆಯ ಗೆಳೆಯ ಎಂದು ಕೇಳುತ್ತಾರೆ? ನಿಮಗೆ ಅದು ಒಂದು ಸಂಖ್ಯೆ, ನನಗೆ ಅದು ನಾನು ಬಯಸಿದ ಪ್ರೀತಿಯನ್ನು ಪಡೆಯುವಲ್ಲಿ ಎಷ್ಟು ಬಾರಿ ವಿಫಲವಾಗಿದೆ ಎಂಬುದು. ಆದ್ದರಿಂದ, ನನಗೆ ಅದರ ಬಗ್ಗೆ ಕೆಟ್ಟ ಭಾವನೆ ಇಲ್ಲ. ಆದ್ರೆ, ನಾನೂ ಮನುಷ್ಯಳು ಅಲ್ವ. ಸ್ವಲ್ಪ ಕೆಟ್ಟ ಭಾವನೆ ಇದ್ದೇ ಇರುತ್ತೆ ಎಂದು ಶ್ರುತಿ ಹಾಸನ್ ಒಪ್ಪಿಕೊಂಡರು.
ಸಂಬಂಧಗಳಲ್ಲಿ ತಾನು ‘ನಿಷ್ಠಾವಂತ’ ಮತ್ತು ‘ಒಳ್ಳೆಯವಳು’ ಎಂದು ಶ್ರುತಿ ಹೇಳಿಕೊಂಡಳು. ಜನರಿಂದ ಉತ್ತರಗಳನ್ನು ಪಡೆಯಬೇಕಾಗಿಲ್ಲ. ತನ್ನ ಪಾಲುದಾರರು ದೂರವಾದಾಗ ನಾನು ಅವರನ್ನು ದೂಷಿಸುವುದಿಲ್ಲ ಎಂದು ಹೇಳಿದರು.
ಕೆಲವು ದಿನಗಳ ಹಿಂದೆ, ಶ್ರುತಿ ತನ್ನ ತಂದೆ ಕಮಲ್ ಹಾಸನ್ ಜೊತೆಗಿನ ಎರಡು ಮುದ್ದಾದ ಚಿತ್ರಗಳನ್ನು ಪೋಸ್ಟ್ ಮಾಡಿದ್ದಾಳೆ. ಚಿತ್ರಗಳಲ್ಲಿ, ಕಮಲ್ ಹಾಸನ್ ಕುರ್ಚಿಯ ಮೇಲೆ ಕುಳಿತಿರುವುದು ಮತ್ತು ಶ್ರುತಿ ಅವರ ಮುಂದೆ ನೆಲದ ಮೇಲೆ ಕುಳಿತಿರುವುದು ಇದೆ. ಶ್ರುತಿ ತನ್ನ ಅತ್ಯುತ್ತಮ ಕ್ಯಾಶುಯಲ್ ಉಡುಗೆ ಧರಿಸಿದ್ದರೆ, ಕಮಲ್ ಹಾಸನ್ ಗುಲಾಬಿ ಬಣ್ಣದ ಟಿ-ಶರ್ಟ್‌ನಲ್ಲಿ ಇದ್ದಾರೆ.
ಚಿತ್ರಗಳನ್ನು ಹಂಚಿಕೊಳ್ಳುತ್ತಾ, ಶ್ರುತಿ ಹಾಸನ್ ಬರೆದಿದ್ದಾರೆ, “ಯಾವಾಗಲೂ ನನ್ನ ಬೆಳಕು ಮತ್ತು ಶಕ್ತಿಯ ಮೂಲ ಮತ್ತು ನಿರಂತರ ನಗುವಿನ ಮೂಲ ನಿನ್ನನ್ನು ಅತ್ಯಂತ ಪ್ರೀತಿಸುತ್ತೇನೆ ಅಪ್ಪಾ ಎಂದು ಬರೆದುಕೊಂಡಿದ್ದಾರೆ.