ಉತ್ತರ ಕೋರಿಯಾದ ಕಿಮ್ ಸಾಮ್ರಾಜ್ಯದಲ್ಲಿ ಉತ್ತರಾಧಿಕಾರ ಸಮರ: ಮಗಳು ಜು ಏ ಆಯ್ಕೆ ಬೆನ್ನಲ್ಲೇ ಸಂಚಲನ, ಅತ್ತೆ – ಸೊಸೆ ನಡುವೆ ಭಾರೀ ಪೈಪೋಟಿ!

ಉತ್ತರ ಕೊರಿಯಾ: ಉತ್ತರ ಕೋರಿಯಾದ ಆಡಳಿತಾರೂಢ ಕಿಮ್ ಕುಟುಂಬದಲ್ಲಿ ಉತ್ತರಾಧಿಕಾರಕ್ಕಾಗಿ ಶೀತಲ ಸಮರ ಶುರುವಾಗಿದೆ. ಕಿಮ್ ಜಾಂಗ್ ಉನ್ ಅವರ ಪುತ್ರಿ ಕಿಮ್ ಜು ಏ ಪ್ರಬಲ ಉತ್ತರಾಧಿಕಾರಿಯಾಗಿ ಹೊರಹೊಮ್ಮುತ್ತಿದ್ದರೆ, ಅತ್ತ ಕಿಮ್ ಅವರ ಸಹೋದರಿ ಕಿಮ್ ಯೋ ಜೊಂಗ್ ಕೂಡ ಅಧಿಕಾರದ ಮೇಲೆ ಕಣ್ಣಿಟ್ಟಿದ್ದಾರೆ ಎಂದು ದಕ್ಷಿಣ ಕೊರಿಯಾದ ಗುಪ್ತಚರ ಸಂಸ್ಥೆ ವರದಿ ಮಾಡಿದೆ.

ಮುಖ್ಯಾಂಶಗಳು:

ಕಿಮ್ ಜು ಏ ಅಧಿಕೃತ ಎಂಟ್ರಿ:

13 ವರ್ಷದ ಕಿಮ್ ಜು ಏ ಕೇವಲ ಕಾರ್ಯಕ್ರಮಗಳಲ್ಲಿ ಭಾಗವಹಿಸುತ್ತಿಲ್ಲ, ಬದಲಾಗಿ ಸರ್ಕಾರದ ಕೆಲವು ಪ್ರಮುಖ ನೀತಿಗಳ ಬಗ್ಗೆ ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಳ್ಳುತ್ತಿದ್ದಾರೆ. ಇದು ಅವರು ಆಡಳಿತದಲ್ಲಿ ಸಕ್ರಿಯರಾಗುತ್ತಿರುವುದಕ್ಕೆ ಸಾಕ್ಷಿ.

ಅತ್ತೆ vs ಸೊಸೆ ಸಂಘರ್ಷ?:

ಕಿಮ್ ಯೋ ಜೊಂಗ್ ಈಗಾಗಲೇ ಉತ್ತರ ಕೊರಿಯಾದ ಸೇನೆ ಮತ್ತು ಆಡಳಿತದಲ್ಲಿ ಪಟ್ಟು ಹೊಂದಿದ್ದಾರೆ. ಕಿಮ್ ಜಾಂಗ್ ಉನ್ ತಮ್ಮ ಮಗಳನ್ನು ಉತ್ತರಾಧಿಕಾರಿಯನ್ನಾಗಿ ಮಾಡಿದರೆ, ಈ ಇಬ್ಬರು ಪ್ರಭಾವಿ ಮಹಿಳೆಯರ ನಡುವೆ ಅಧಿಕಾರದ ಸಂಘರ್ಷ ಅನಿವಾರ್ಯ ಎನ್ನಲಾಗುತ್ತಿದೆ.

ಕಿಮ್ ಸಾಮ್ರಾಜ್ಯದಲ್ಲಿ ಉತ್ತರಾಧಿಕಾರ ಸಮರ: ಮಗಳು ಜು ಏ ಆಯ್ಕೆ ಬೆನ್ನಲ್ಲೇ ಸಂಚಲನ!

ಮುಖ್ಯಾಂಶಗಳು:

• ಉತ್ತರ ಕೊರಿಯಾದ ಮುಂದಿನ ಸರ್ವಾಧಿಕಾರಿಯಾಗಿ 13 ವರ್ಷದ ಕಿಮ್ ಜು ಏ (Kim Ju Ae) ಅಧಿಕೃತ ಘೋಷಣೆ.

• ದಕ್ಷಿಣ ಕೊರಿಯಾದ ಗುಪ್ತಚರ ಸಂಸ್ಥೆ (NIS) ಯಿಂದ ಅಧಿಕೃತ ವರದಿ.

• ತಂದೆ ಕಿಮ್ ಜಾಂಗ್ ಉನ್ ಅವರೊಂದಿಗೆ ಪ್ರಮುಖ ಸೇನಾ ಪರೇಡ್‌ಗಳಲ್ಲಿ ಭಾಗಿ.

• ಕಿಮ್ ಸಹೋದರಿ ಕಿಮ್ ಯೋ ಜೊಂಗ್ ಮತ್ತು ಮಗಳ ನಡುವೆ ಅಧಿಕಾರಕ್ಕಾಗಿ ಶೀತಲ ಸಮರ?

ಉತ್ತರ ಕೊರಿಯಾದಲ್ಲಿ ‘ಕಿಮ್’ ಕುಟುಂಬದ ನಾಲ್ಕನೇ ತಲೆಮಾರಿನ ಆಳ್ವಿಕೆಗೆ ಸಿದ್ಧತೆಗಳು ಬಿರುಸಿನಿಂದ ಸಾಗಿವೆ. ಸರ್ವಾಧಿಕಾರಿ ಕಿಮ್ ಜಾಂಗ್ ಉನ್ ತನ್ನ ಹದಿಹರೆಯದ ಮಗಳು ಕಿಮ್ ಜು ಏ ಅವರನ್ನು ತನ್ನ ಅಧಿಕೃತ ಉತ್ತರಾಧಿಕಾರಿಯನ್ನಾಗಿ ಆಯ್ಕೆ ಮಾಡಿದ್ದಾರೆ ಎಂದು ದಕ್ಷಿಣ ಕೊರಿಯಾದ ಗುಪ್ತಚರ ಸಂಸ್ಥೆ ಸ್ಪಷ್ಟಪಡಿಸಿದೆ. ಈ ಹಿಂದೆ ಕೇವಲ ಔಪಚಾರಿಕ ಭೇಟಿಗಳಿಗೆ ಸೀಮಿತವಾಗಿದ್ದ ಜು ಏ, ಈಗ ಸರ್ಕಾರದ ಪ್ರಮುಖ ನೀತಿಗಳ ಬಗ್ಗೆ ಅಭಿಪ್ರಾಯ ವ್ಯಕ್ತಪಡಿಸುತ್ತಿರುವುದು ವಿಶ್ವದ ಗಮನ ಸೆಳೆದಿದೆ.

ಆದರೆ, ಕಿಮ್ ಅವರ ಶಕ್ತಿಶಾಲಿ ಸಹೋದರಿ ಕಿಮ್ ಯೋ ಜೊಂಗ್ ಅವರ ಉಪಸ್ಥಿತಿಯು ಈ ಉತ್ತರಾಧಿಕಾರ ಪ್ರಕ್ರಿಯೆಗೆ ಸವಾಲಾಗುವ ಸಾಧ್ಯತೆಯಿದೆ. ಸದ್ಯಕ್ಕೆ ಕಿಮ್ ಜಾಂಗ್ ಉನ್ ತನ್ನ ಮಗಳಿಗೆ “ಅತ್ಯಂತ ಪ್ರಿಯವಾದ ಮಗಳು” ಎಂಬ ಬಿರುದು ನೀಡಿ, ಆಕೆಯನ್ನು ದೇಶದ ಮುಂದಿನ ನಾಯಕಿಯಾಗಿ ರೂಪಿಸುತ್ತಿದ್ದಾರೆ.