ದಾವಣಗೆರೆ ದಕ್ಷಿಣ ಉಪಚುನಾವಣೆ: ಅಕ್ರಮ ಮದ್ಯ ತಡೆಗೆ ಅಬಕಾರಿ ಇಲಾಖೆಯಿಂದ 5 ಫ್ಲೈಯಿಂಗ್ ಸ್ಕ್ವಾಡ್ ತಂಡಗಳ ರಚನೆ; ದೂರು ನೀಡಲು ಕರೆ ನೀಡಿ

ದಾವಣಗೆರೆ: ಜಿಲ್ಲೆಯ ದಕ್ಷಿಣ ವಿಧಾನಸಭಾ ಕ್ಷೇತ್ರಕ್ಕೆ 2026ರ ಏಪ್ರಿಲ್ 9 ರಂದು ನಡೆಯಲಿರುವ ಉಪ ಚುನಾವಣೆಯ ಹಿನ್ನೆಲೆಯಲ್ಲಿ, ಅಬಕಾರಿ ಇಲಾಖೆಯು ಅಕ್ರಮ ಮದ್ಯ ಮಾರಾಟ ಹಾಗೂ ಕಳ್ಳಭಟ್ಟಿ ವಿರುದ್ಧ ಸಮರ ಸಾರಿದೆ. ಚುನಾವಣಾ ಅಕ್ರಮಗಳನ್ನು ತಡೆಗಟ್ಟಲು ಮತ್ತು ಸಾರ್ವಜನಿಕರ ಆರೋಗ್ಯ ರಕ್ಷಣೆಗಾಗಿ ಜಿಲ್ಲಾದ್ಯಂತ ಕಟ್ಟುನಿಟ್ಟಿನ ಕ್ರಮಗಳನ್ನು ಕೈಗೊಳ್ಳಲಾಗಿದೆ ಎಂದು ಅಬಕಾರಿ ಇಲಾಖೆಯ ಡೆಪ್ಯೂಟಿ ಕಮಿಷನರ್ ತಿಳಿಸಿದ್ದಾರೆ.

ಚುನಾವಣಾ ಸಂದರ್ಭದಲ್ಲಿ ಮತದಾರರನ್ನು ಸೆಳೆಯಲು ನಕಲಿ ಮದ್ಯ ಅಥವಾ ಕಳ್ಳಭಟ್ಟಿ ಸಾರಾಯಿಯನ್ನು ಹಂಚುವ ಸಾಧ್ಯತೆ ಇರುವುದರಿಂದ, ಇಂತಹ ಮದ್ಯ ಸೇವನೆಯಿಂದ ಸಂಭವಿಸಬಹುದಾದ ಸಾವು-ನೋವುಗಳನ್ನು ತಡೆಗಟ್ಟಲು ಸಾರ್ವಜನಿಕರು ಎಚ್ಚರಿಕೆ ವಹಿಸಬೇಕು. ಯಾವುದೇ ಅನಧಿಕೃತ ಸ್ಥಳಗಳಲ್ಲಿ ಮದ್ಯ ಸೇವಿಸದಂತೆ ಇಲಾಖೆ ಮನವಿ ಮಾಡಿದೆ.

ಸಾರ್ವಜನಿಕರ ದೂರಿಗಾಗಿ ಫ್ಲೈಯಿಂಗ್ ಸ್ಕ್ವಾಡ್: ಅಬಕಾರಿ ನಿಯಮಗಳ ಉಲ್ಲಂಘನೆಯನ್ನು ಪತ್ತೆಹಚ್ಚಲು ಒಟ್ಟು ಐದು ವಿಶೇಷ ಜಾಗೃತ ದಳಗಳನ್ನು (Flying Squads) ರಚಿಸಲಾಗಿದೆ. ಸಾರ್ವಜನಿಕರು ಈ ಕೆಳಗಿನ ಅಧಿಕಾರಿಗಳ ಮೊಬೈಲ್ ಸಂಖ್ಯೆಗೆ ಕರೆ ಮಾಡಿ ಮಾಹಿತಿ ನೀಡಬಹುದು:

• ತಂಡ-1 (ವಲಯ-1): ಉಷಾ ಎಂ.ಎಸ್ (94489 77659), ರುದ್ರಪ್ಪ ಹೆಚ್.ಎಸ್ (86182 76159).

• ತಂಡ-2 (ವಲಯ-2): ವಿದ್ಯಾ ಜಿ.ಬಿ (70224 99947), ಮಹಾಬಲೇಶ್ವರಗೌಡ (96119 61364).

• ತಂಡ-3 (ದಾವಣಗೆರೆ ಉಪ ವಿಭಾಗ): ಸವಿತಾ ಹೆಚ್ (96635 27579).

• ತಂಡ-4 (ಜಿಲ್ಲಾ ವಿಚಕ್ಷಣಾ ತಂಡ): ಮಹೇಶ್ ಗೌಡ ಪಾಟೀಲ್ (72044 76001).

• ತಂಡ-5 (ವಿಭಾಗೀಯ ತಂಡ): ಬಿ. ಕೃಷ್ಣಹರಿ, ಅಬಕಾರಿ ಅಧೀಕ್ಷಕರು (99806 24468).

ಹೆಚ್ಚಿನ ಮಾಹಿತಿಗಾಗಿ ಅಥವಾ ದೂರು ಸಲ್ಲಿಸಲು ಜಿಲ್ಲಾ ಅಬಕಾರಿ ಉಪ ಆಯುಕ್ತರ ಕಚೇರಿ ಸಂಖ್ಯೆ 08192-230921 ಅಥವಾ 94495 97061 ಗೆ ಸಂಪರ್ಕಿಸಬಹುದು. ಮಾಹಿತಿ ನೀಡುವವರ ಹೆಸರನ್ನು ರಹಸ್ಯವಾಗಿಡಲಾಗುವುದು ಎಂದು ಅಧಿಕಾರಿಗಳು ಭರವಸೆ ನೀಡಿದ್ದಾರೆ.