ಇಂದಿನಿಂದ ವಾಣಿಜ್ಯ ಬಳಕೆಯ ಎಲ್‌ಪಿಜಿ ಸಿಲಿಂಡರ್ ದರ 71 ರೂ. ಏರಿಕೆ: ಗೃಹ ಬಳಕೆಯ ಗ್ಯಾಸ್ ಬೆಲೆ ಯಥಾಸ್ಥಿತಿ!

ನವದೆಹಲಿ: ಹಬ್ಬದ ಋತುವಿನ ಆರಂಭದಲ್ಲೇ ಸಾರ್ವಜನಿಕರಿಗೆ ಹಾಗೂ ವಾಣಿಜ್ಯ ಸಂಸ್ಥೆಗಳಿಗೆ ತೈಲ ಮಾರುಕಟ್ಟೆ ಕಂಪನಿಗಳು ಅಕ್ಟೋಬರ್ 1 ರಿಂದ ಅನ್ವಯವಾಗುವಂತೆ ಆಘಾತ ನೀಡಿವೆ. 19 ಕೆಜಿ ತೂಕದ ವಾಣಿಜ್ಯ ಬಳಕೆಯ ಎಲ್‌ಪಿಜಿ (Commercial LPG) ಸಿಲಿಂಡರ್ ದರವನ್ನು ವಿವಿಧ ನಗರಗಳಲ್ಲಿ ₹71.50 ರವರೆಗೆ ಹೆಚ್ಚಿಸಲಾಗಿದೆ. ಆದರೆ, ಸಾಮಾನ್ಯ ಗೃಹಿಣಿಯರಿಗೆ ನಿರಾಳ ತರುವಂತೆ 14.2 ಕೆಜಿ ಗೃಹ ಬಳಕೆಯ (Domestic LPG) ಸಿಲಿಂಡರ್ ಬೆಲೆಯಲ್ಲಿ ಯಾವುದೇ ಬದಲಾವಣೆ ಮಾಡಲಾಗಿಲ್ಲ.

ಪ್ರಮುಖ ನಗರಗಳಲ್ಲಿ ವಾಣಿಜ್ಯ ಸಿಲಿಂಡರ್ ದರ ಬದಲಾವಣೆ (19 ಕೆಜಿ):

ದೆಹಲಿ: ₹62.50 ಏರಿಕೆಯಾಗಿದ್ದು, ಹೊಸ ದರ ₹2,810 ಆಗಿದೆ.

ಮುಂಬೈ: ₹63 ಹೆಚ್ಚಳವಾಗಿದ್ದು, ₹2,764 ಕ್ಕೆ ತಲುಪಿದೆ.

ಚೆನ್ನೈ: ₹66.50 ಏರಿಕೆಯೊಂದಿಗೆ ₹2,983 ತಲುಪಿದೆ.

ಪಾಟ್ನಾ: ಅತ್ಯಧಿಕ ₹71.50 ಏರಿಕೆಯಾಗಿದ್ದು, ಪ್ರಸ್ತುತ ಬೆಲೆ ₹3,100.50 ಆಗಿದೆ.

ಲಕ್ನೋ: ₹62.50 ಹೆಚ್ಚಳವಾಗಿದ್ದು, ಹೊಸ ದರ ₹2,932.50 ಆಗಿದೆ.

ಬೆಂಗಳೂರು: ₹67 ಏರಿಕೆಯೊಂದಿಗೆ ₹2,898 ಕ್ಕೆ ತಲುಪಿದೆ.

ಗೃಹ ಬಳಕೆಯ ಸಿಲಿಂಡರ್ ದರ (14.2 ಕೆಜಿ – ಯಥಾಸ್ಥಿತಿ):

ಗೃಹ ಬಳಕೆಯ ಸಿಲಿಂಡರ್ ಬೆಲೆ ದೆಹಲಿಯಲ್ಲಿ ₹942, ಮುಂಬೈನಲ್ಲಿ ₹941.50, ಚೆನ್ನೈನಲ್ಲಿ ₹957.50, ಬೆಂಗಳೂರಿನಲ್ಲಿ ₹944.50 ಹಾಗೂ ಪಾಟ್ನಾದಲ್ಲಿ ₹1,031.50 ರಲ್ಲೇ ಮುಂದುವರಿದಿದೆ.

ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ತೈಲ ದರದಲ್ಲಿನ ಏರಿಳಿತ ಹಾಗೂ ಕರೆನ್ಸಿ ಮೌಲ್ಯದ ಆಧಾರದ ಮೇಲೆ ಈ ದರ ಪರಿಷ್ಕರಣೆ ಮಾಡಲಾಗಿದೆ. ಇದರಿಂದಾಗಿ ಹೋಟೆಲ್, ರೆಸ್ಟೋರೆಂಟ್ ಹಾಗೂ ಸಣ್ಣ ಪ್ರಮಾಣದ ವಾಣಿಜ್ಯ ಉದ್ಯಮಗಳ ವೆಚ್ಚ ಹೆಚ್ಚಾಗುವ ಸಾಧ್ಯತೆಯಿದೆ.