ತೆಲುಗು ನಟಿ ಅತುಲ್ಯ ಚಂದ್ರ ಅರೆಸ್ಟ್: ಚಿಕಿತ್ಸೆ ನೆಪದಲ್ಲಿ ವೈದ್ಯರ ಫ್ಲ್ಯಾಟ್‌ಗೆ ಕರೆಸಿ 3 ಲಕ್ಷ ರೂ. ಮೌಲ್ಯದ ವಸ್ತುಗಳ ದರೋಡೆ!

ಹೈದರಾಬಾದ್: ನೋಡಲು ಅಂದವಾಗಿರುವವರೇಲ್ಲರೂ ಮುಗ್ಧರಲ್ಲ ಎಂಬುದಕ್ಕೆ ತೆಲುಗಿನ ಜನಪ್ರಿಯ ಚಿತ್ರ ‘ಮತ್ತು ವದಲರಾ’ ಖ್ಯಾತಿಯ ನಟಿ ಅತುಲ್ಯ ಚಂದ್ರ ಅವರ ವಿಲಕ್ಷಣ ಕೃತ್ಯ ಸಾಕ್ಷಿಯಾಗಿದೆ. ಚಿತ್ರರಂಗದಲ್ಲಿ ನಟಿಯಾಗಿ ಗುರುತಿಸಿಕೊಂಡಿದ್ದ ಅತುಲ್ಯ ಚಂದ್ರ ಅವರು, ವೈದ್ಯರೊಬ್ಬರನ್ನು ಚಿಕಿತ್ಸೆಯ ನೆಪವೊಡ್ಡಿ ತಮ್ಮ ಫ್ಲ್ಯಾಟ್‌ಗೆ ಕರೆಸಿಕೊಂಡು ಅವರ ಮೇಲೆಯೇ ದೌರ್ಜನ್ಯ ಎಸಗಿ, ಸುಮಾರು ₹3 ಲಕ್ಷ ರೂಪಾಯಿ ಮೌಲ್ಯದ ವೈದ್ಯಕೀಯ ಉಪಕರಣ ಹಾಗೂ ಮೊಬೈಲ್ ಫೋನ್ ಅನ್ನು ದೋಚಿರುವ ಗಂಭೀರ ಆರೋಪದಲ್ಲಿ ಸಿಲುಕಿದ್ದಾರೆ.

ವರದಿಗಳ ಪ್ರಕಾರ, ವೈದ್ಯರು ಫ್ಲ್ಯಾಟ್‌ಗೆ ಆಗಮಿಸುತ್ತಿದ್ದಂತೆ ನಟಿ ಹಾಗೂ ಆಕೆಯ ಸಹಚರರು ಈ ಕೃತ್ಯ ಎಸಗಿದ್ದಾರೆ. ಕೇವಲ ಕಳ್ಳತನ ಮಾಡುವುದಷ್ಟೇ ಅಲ್ಲದೆ, ಸಂತ್ರಸ್ತ ವೈದ್ಯರ ಮೇಲೆಯೇ ದೌರ್ಜನ್ಯ ಎಸಗಿ ಬೆದರಿಕೆ ಹಾಕಿದ್ದಾರೆ. ಈ ಕುರಿತು ಸಂತ್ರಸ್ತ ವೈದ್ಯರು ತಕ್ಷಣವೇ ಪೊಲೀಸರಿಗೆ ದೂರು ನೀಡಿದ್ದು, ಬೆಳ್ಳಿತೆರೆಯ ನಟಿಯೊಬ್ಬರ ಈ ಕರಾಮತ್ತು ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿದೆ. ಸದ್ಯ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಮುಂದಿನ ಕಾನೂನು ಕ್ರಮ ಜರುಗಿಸುತ್ತಿದ್ದಾರೆ.

ನಟಿಯ ಬ್ಲ್ಯಾಕ್‌ಮೇಲ್ ಹಾಗೂ ದರೋಡೆ: ‘ಮತ್ತು ವದಲರಾ’ ಸಿನಿಮಾ ಖ್ಯಾತಿಯ ನಟಿ ಅತುಲ್ಯ ಚಂದ್ರ ವೈದ್ಯರನ್ನು ಫ್ಲ್ಯಾಟ್‌ಗೆ ಕರೆಸಿ ಹಣ ಹಾಗೂ ದುಬಾರಿ ಉಪಕರಣಗಳನ್ನು ದೋಚಿದ್ದಾರೆ.

ವೈದ್ಯರ ಮೇಲೆ ದೌರ್ಜನ್ಯ: ಕೇವಲ ವಸ್ತುಗಳನ್ನು ಕಳ್ಳತನ ಮಾಡುವುದಲ್ಲದೆ, ನಟಿ ಮತ್ತು ಇತರರು ಸೇರಿ ವೈದ್ಯರ ಮೇಲೆ ಹಲ್ಲೆ ನಡೆಸಿ ಎದುರಿಸಿ ನಿಂತಿದ್ದಾರೆ.

ರೂ. 3 ಲಕ್ಷ ಮೌಲ್ಯದ ವಸ್ತುಗಳು ಕಳವು: ವೈದ್ಯರ ಬಳಿಯಿದ್ದ ದುಬಾರಿ ವೈದ್ಯಕೀಯ ಉಪಕರಣಗಳು ಮತ್ತು ಮೊಬೈಲ್ ಫೋನ್ ಸೇರಿದಂತೆ ಒಟ್ಟು ₹3 ಲಕ್ಷ ಮೌಲ್ಯದ ವಸ್ತುಗಳನ್ನು ಕಸಿದುಕೊಳ್ಳಲಾಗಿದೆ.

ಪೊಲೀಸರಿಂದ ತನಿಖೆ: ಸಂತ್ರಸ್ತ ವೈದ್ಯರ ದೂರಿನ ಆಧಾರದ ಮೇಲೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು, ನಟಿಯ ಕೃತ್ಯದ ಕುರಿತು ತೀವ್ರ ತನಿಖೆ ನಡೆಸುತ್ತಿದ್ದಾರೆ.