50 ಸಾವಿರ ರೂ. ದಾಟಿದ ಅಡಿಕೆ ಧಾರಣೆ: ಚನ್ನಗಿರಿ ಎಪಿಎಂಸಿ ಮಾರುಕಟ್ಟೆಯಲ್ಲಿ ರಾಶಿ ಅಡಿಕೆ ಗರಿಷ್ಠ ಬೆಲೆ 50,172 ರೂ. ದಾಖಲು!

ಚನ್ನಗಿರಿ / ದಾವಣಗೆರೆ:ಅಡಿಕೆ ಬೆಳೆಗಾರರಿಗೆ ಸಿಹಿ ಸುದ್ದಿ. ಪ್ರತಿ ಕ್ವಿಂಟಲ್ ಅಡಿಕೆ ಧಾರಣೆ 50 ಸಾವಿರ ರೂಪಾಯಿ ಗಡಿ ದಾಟಿದೆ. ಇದರಿಂದಾಗಿ ಅಡಿಕೆ ಬೆಳೆಗಾರರ ಮೊಗದಲ್ಲಿ ಮಂದಹಾಸ ಮೂಡಿದೆ. 

ಕೃಷಿ ಉತ್ಪನ್ನ ಮಾರುಕಟ್ಟೆ ಸಮಿತಿ  ಚನ್ನಗಿರಿ ಹಾಗೂ ದಾವಣಗೆರೆ ಮಾರುಕಟ್ಟೆಗಳಲ್ಲಿ ವಿವಿಧ ಕೃಷಿ ಉತ್ಪನ್ನಗಳ ಮಾರುಕಟ್ಟೆ ದರಗಳನ್ನು ಅಧಿಕೃತವಾಗಿ ಪ್ರಕಟಿಸಲಾಗಿದೆ.

ಚನ್ನಗಿರಿ ಮಾರುಕಟ್ಟೆಯಲ್ಲಿ ರಾಶಿ ಅಡಿಕೆಯು ಉತ್ತಮ ಬೆಲೆಯನ್ನು ದಾಖಲಿಸಿದ್ದು, ರೈತರು ಹಾಗೂ ವ್ಯಾಪಾರ ವಲಯದಲ್ಲಿ ಉತ್ಸಾಹ ಮೂಡಿಸಿದೆ. ಮಾರುಕಟ್ಟೆಯ ದರ ಪಟ್ಟಿಯಂತೆ ಅಡಿಕೆ ಬೆಲೆಗಳಲ್ಲಿ ಸ್ಥಿರತೆ ಕಂಡುಬಂದಿದೆ.

ಈ ಇಂದಿನ ಮಾರುಕಟ್ಟೆ ವಹಿವಾಟಿನಲ್ಲಿ ರಾಶಿ ಅಡಿಕೆಯ ಕನಿಷ್ಠ ಬೆಲೆಯು 35,199 ರೂ. ಇದ್ದರೆ, ಗರಿಷ್ಠ ಬೆಲೆಯು 50,172 ರೂ. ವರೆಗೆ ತಲುಪಿದೆ. ಹಾಗೂ ಹೊಸ ಸರಾಸರಿ ಬೆಲೆ 48,478 ರೂ. ಹಾಗೂ ಹಳೆಯ ಸರಾಸರಿ ಬೆಲೆ 48,036 ರೂ. ದಾಖಲಾಗಿದೆ.

ರಾಶಿ ಅಡಿಕೆ ಬೆಲೆ: ಚನ್ನಗಿರಿ ಮಾರುಕಟ್ಟೆಯಲ್ಲಿ ರಾಶಿ ಅಡಿಕೆ ಕನಿಷ್ಠ 35,199 ರೂ. ಹಾಗೂ ಗರಿಷ್ಠ 50,172 ರೂ. ವರೆಗೆ ಮಾರಾಟವಾಗಿದೆ.

ಸರಾಸರಿ ಅಡಿಕೆ ದರ: ಹೊಸ ಸರಾಸರಿ ಬೆಲೆ 48,478 ರೂ. ಹಾಗೂ ಹಳೆಯ ಸರಾಸರಿ ಬೆಲೆ 48,036 ರೂ. ಇದೆ.

ದ್ವಿತೀಯ ಬೆಟ್ಟೆ ಹಾಗೂ ಕಾಳುಮೆಣಸು ದರ: 2nd ಬೆಟ್ಟೆ ಅಡಿಕೆ ದರ 35,199 ರೂ. ಹಾಗೂ ಕಪ್ಪು ಕಾಳುಮೆಣಸು (Black pepper) ದರವು ಪ್ರತಿ ಕ್ವಿಂಟಾಲ್‌ಗೆ 66,999 – 67,551 – 67,999 ರೂ. ವರೆಗೆ ವಹಿವಾಟು ನಡೆಸಿದೆ.

ಹಸಿ ಅಡಿಕೆ ಮಾರುಕಟ್ಟೆ: ದಾವಣಗೆರೆ ಮಾರುಕಟ್ಟೆಯಲ್ಲಿ ಹಸಿ ಅಡಿಕೆ ದರವು ಪ್ರತಿ ಕ್ವಿಂಟಾಲ್‌ಗೆ 6,200 ರೂ. ಇದೆ.

ಮಾರುಕಟ್ಟೆ ತಜ್ಞರ ಪ್ರಕಾರ, ಅಡಿಕೆ ಮತ್ತು ಕಾಳುಮೆಣಸಿನ ಬೆಲೆಯಲ್ಲಿ ಆಗಿರುವ ಈ ಏರಿಳಿತಗಳು ಪ್ರಮುಖ ಕೃಷಿ ಉತ್ಪನ್ನಗಳ ಬೇಡಿಕೆಯನ್ನು ಅವಲಂಬಿಸಿದ್ದು, ರೈತರಿಗೆ ಮಾರುಕಟ್ಟೆಯಲ್ಲಿ ಉತ್ತಮ ಸ್ಪರ್ಧಾತ್ಮಕ ಬೆಲೆ ದೊರೆಯುತ್ತಿದೆ.