ಡಾರ್ಕ್ ಚಾಕೊಲೇಟ್ ತಿನ್ನುತ್ತಲೇ 25 ಕೆಜಿ ತೂಕ ಇಳಿಸಿಕೊಂಡ ಭಾರತದ ಗೃಹಿಣಿ! ವೈದ್ಯರು ಮತ್ತು ಪೋಷಕಾಂಶ ತಜ್ಞರು ಹೇಳೋದೇನು?

ನವದೆಹಲಿ: ಸಾಮಾನ್ಯವಾಗಿ ತೂಕ ಇಳಿಸಿಕೊಳ್ಳಲು ಬಯಸುವವರು ಮೊದಲು ಬಿಡುವುದು ಸಿಹಿ ಮತ್ತು ಚಾಕೊಲೇಟ್‌ಗಳನ್ನು. ಆದರೆ, ಸೋಶಿಯಲ್ ಮೀಡಿಯಾ ಕಂಟೆಂಟ್ ಕ್ರಿಯೇಟರ್ ಹಾಗೂ ತಾಯಿಯಾಗಿರುವ ಆನಂದಿತಾ ಬಿಟೋಲಿಯಾ ಎಂಬುವವರು ದಿನವೂ ಚಾಕೊಲೇಟ್ ತಿನ್ನುತ್ತಲೇ ಕೇವಲ 6 ತಿಂಗಳಲ್ಲಿ 25 ಕೆಜಿ (100 ಕೆಜಿಯಿಂದ 75 ಕೆಜಿಗೆ) ತೂಕ ಇಳಿಸಿಕೊಂಡು ಎಲ್ಲರನ್ನೂ ಅಚ್ಚರಿಗೊಳಿಸಿದ್ದಾರೆ.

ಆನಂದಿತಾ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ತಾವು ನಿಯಮಿತವಾಗಿ ಸೇವಿಸಿದ ಆಹಾರ ಕ್ರಮ ಹಾಗೂ ವ್ಯಾಯಾಮದ ವಿವರಗಳನ್ನು ಹಂಚಿಕೊಂಡಿದ್ದಾರೆ.

ಆನಂದಿತಾ ಅವರ 4 ಹಂತದ ದಿನನಿತ್ಯದ ಡಯಟ್ ಪ್ಲಾನ್:

ಮೊದಲ ಆಹಾರ (ಬ್ರೇಕ್‌ಫಾಸ್ಟ್): 2 ಮಲ್ಟಿಗ್ರೇನ್ ಬ್ರೆಡ್ ಸ್ಲೈಸ್‌ಗಳು ಮತ್ತು 3 ಮೊಟ್ಟೆಯ ಬಿಳಿ ಭಾಗ (Egg whites).

ಎರಡನೇ ಆಹಾರ (ಮಧ್ಯಾಹ್ನದ ಊಟ): ಬ್ರೌನ್ ರೈಸ್, ಬೇಳೆ ಸಾರು (ದಾಲ್), ಚಿಕನ್ ಬ್ರೆಸ್ಟ್/ಪನ್ನೀರ್/ಮೊಟ್ಟೆ ಹಾಗೂ ಸಲಾಡ್.

ವರ್ಕೌಟ್ ನಂತರ: ಪ್ರೋಟೀನ್ ಶೇಕ್.

ನಾಲ್ಕನೇ ಆಹಾರ (ರಾತ್ರಿಯ ಊಟ): 1 ಜೋಳ ಅಥವಾ ಓಟ್ಸ್ ರೊಟ್ಟಿ, ಬೇಳೆ ಸಾರು, ಚಿಕನ್ ಬ್ರೆಸ್ಟ್ ಮತ್ತು ಸಲಾಡ್.

ಡೆಸರ್ಟ್ (ಸಿಹಿ ತಿಂಡಿ): ಪ್ರತಿದಿನ 1 ತುಂಡು ಡಾರ್ಕ್ ಚಾಕೊಲೇಟ್ (Dark Chocolate).

ಇದರೊಂದಿಗೆ ದಿನಕ್ಕೆ ಕನಿಷ್ಠ 3 ಲೀಟರ್ ನೀರು ಕುಡಿಯುತ್ತಿದ್ದು, ನಡುವೆ ಹಸಿವಾದಾಗ ಗ್ರೀನ್ ಟೀ ಅಥವಾ ಐಸ್ಡ್ ಅಮೆರಿಕಾನೊ ಕಾಫಿ ಸೇವಿಸುತ್ತಿದ್ದರು. ವ್ಯಾಯಾಮಕ್ಕಾಗಿ ದಿನಕ್ಕೆ 45 ನಿಮಿಷಗಳ ಕಾಲ ವರ್ಕೌಟ್ ಹಾಗೂ 20 ನಿಮಿಷಗಳ ಕಾಲ ವಾಕಿಂಗ್ ಮಾಡುತ್ತಿದ್ದರು.

ಡಾರ್ಕ್ ಚಾಕೊಲೇಟ್ ಬಗ್ಗೆ ತಜ್ಞರು ಹೇಳುವುದೇನು?

ಮಣಿಪಾಲ್ ಆಸ್ಪತ್ರೆಯ ಮುಖ್ಯ ಪೋಷಕಾಂಶ ತಜ್ಞೆ ವಾಣಿ ಕೃಷ್ಣ ಅವರ ಪ್ರಕಾರ, 70% ಅಥವಾ ಅದಕ್ಕಿಂತ ಹೆಚ್ಚಿನ Cacao ಹೊಂದಿರುವ ಡಾರ್ಕ್ ಚಾಕೊಲೇಟ್‌ನಲ್ಲಿ ಆಂಟಿಆಕ್ಸಿಡೆಂಟ್‌ಗಳು ಮತ್ತು ಪಾಲಿಫಿನಾಲ್‌ಗಳು ಹೇರಳವಾಗಿರುತ್ತವೆ. ಇವು ಹಸಿವನ್ನು ನಿಯಂತ್ರಿಸುವ ಹಾರ್ಮೋನ್‌ಗಳನ್ನು (GLP-1 ಮತ್ತು PYY) ಉತ್ತೇಜಿಸಿ, ಪದೇ ಪದೇ ಸಿಹಿ ಅಥವಾ ಎಣ್ಣೆಯುಕ್ತ ಆಹಾರ ತಿನ್ನುವ ಬಯಕೆಯನ್ನು ಕಡಿಮೆ ಮಾಡುತ್ತವೆ.

(ಗಮನಿಸಿ: ಆನಂದಿತಾ ಅವರು ತಮ್ಮ ಪೋಸ್ಟ್‌ನಲ್ಲಿ ತಾವೊಬ್ಬ ಆಹಾರ ತಜ್ಞೆಯಲ್ಲ, ಇದು ತಮ್ಮ ವೈಯಕ್ತಿಕ ಅನುಭವವಷ್ಟೇ ಎಂದು ತಿಳಿಸಿದ್ದು, ಯಾವುದೇ ಪ್ರಮುಖ ಆಹಾರ ಬದಲಾವಣೆಗೂ ಮುನ್ನ ವೈದ್ಯರನ್ನು ಸಂಪರ್ಕಿಸಲು ಸಲಹೆ ನೀಡಿದ್ದಾರೆ)