ಏಷ್ಯನ್ ಗೇಮ್ಸ್ ತಂಡದಿಂದ ಕೊನೆಯ ಕ್ಷಣದಲ್ಲಿ ಹೊರಕ್ಕೆ: ವುಶು ಕ್ರೀಡಾಪಟು ದಿವ್ಯಾಂಶಿ ಆತ್ಮಹತ್ಯೆ ಬೆದರಿಕೆ!

ನವದೆಹಲಿ: ಏಷ್ಯನ್ ಗೇಮ್ಸ್‌ಗೆ ಭಾರತೀಯ ವುಶು ತಂಡವನ್ನು ಜಪಾನ್‌ನ ನಗೋಯಾಗೆ ಕಳುಹಿಸಲು ಕೆಲವೇ ದಿನಗಳು ಬಾಕಿ ಇರುವಾಗ, 18 ವರ್ಷದ ಕ್ರೀಡಾಪಟು ದಿವ್ಯಾಂಶಿ ಚೌಧರಿ  ಅವರನ್ನು 60 ಕೆಜಿ ಸಾಂಡಾ ವಿಭಾಗದಿಂದ ಕೊನೆಯ ಕ್ಷಣದಲ್ಲಿ ಹೊರಗಿಡಲಾಗಿದೆ. ಈ ನಿರ್ಧಾರದ ನಂತರ ದಿವ್ಯಾಂಶಿ ತೀವ್ರ ಮಾನಸಿಕ ಆಘಾತಕ್ಕೆ ಒಳಗಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ 9 ನಿಮಿಷಗಳ ವೀಡಿಯೊ ಹಂಚಿಕೊಂಡು ಆತ್ಮಹತ್ಯೆ ಮಾಡಿಕೊಳ್ಳುವುದಾಗಿ ಬೆದರಿಕೆ ಹಾಕಿದ್ದಾರೆ.

ದಿವ್ಯಾಂಶಿ ಚೌಧರಿ ವಿಡಿಯೋದಲ್ಲಿ ಹೇಳಿರೋದೇನು? 

भारतीय खिलाड़ी दिव्यांशी चौधरी ने आत्महत्या करने की बात कही है।

वुशु खिलाड़ी दिव्यांशी चौधरी का नाम जापान एशियन गेम्स 2026 से आखिरी वक्त में काट दिया गया। जून में टीम में जगह और जर्सी मिलने के बाद 11 सितंबर के अपडेट में जगह नाओरेम रोशिबीना देवी को दे दी गई। टीम से गलत तरीके से… pic.twitter.com/kXXGhv3qzH

— Madan Mohan Soni (@madanmohansoni) September 11, 2026

ದಿವ್ಯಾಂಶಿ ಅವರ ಆರೋಪಗಳು:

ಮಾನಸಿಕ ಮತ್ತು ಶಾರೀರಿಕ ಕಿರುಕುಳ: ಜೂನ್-ಜುಲೈ ತಿಂಗಳಿನಿಂದ ಪಟಿಯಾಲ ರಾಷ್ಟ್ರೀಯ ಶಿಬಿರದಲ್ಲಿ ತಮಗೆ ನಿರಂತರವಾಗಿ ಮಾನಸಿಕ ಕಿರುಕುಳ ನೀಡಲಾಗುತ್ತಿದೆ ಎಂದು ದಿವ್ಯಾಂಶಿ ಆರೋಪಿಸಿದ್ದಾರೆ.

ಆಯ್ಕೆ ಪ್ರಕ್ರಿಯೆಯಲ್ಲಿ ತಾರತಮ್ಯ: ಏಷ್ಯನ್ ಗೇಮ್ಸ್‌ಗಾಗಿ ನಡೆದ 5 ಪ್ರಮುಖ ಆಯ್ಕೆ ಟ್ರಯಲ್ಸ್‌ಗಳಲ್ಲಿ ತಾವೇ ಮೊದಲ ಸ್ಥಾನ ಗಳಿಸಿದ್ದಾಗಿಯೂ ಹಾಗೂ ಸೆಮಿಫೈನಲ್‌ನಲ್ಲಿ ರೋಶಿಬಿನಾ ದೇವಿ ಅವರನ್ನು ಸೋಲಿಸಿದ್ದಾಗಿಯೂ ದಿವ್ಯಾಂಶಿ ಮತ್ತು ಅವರ ಕೋಚ್ ಅಶೋಕ್ ಗೌತಮ್ ತಿಳಿಸಿದ್ದಾರೆ.

ಪೂರ್ವಯೋಜಿತ ಗಾಯದ ಆರೋಪ: ಶ್ರೀನಗರದಲ್ಲಿ ನಡೆದ ತರಬೇತಿ ಶಿಬಿರದಲ್ಲಿ ರೋಶಿಬಿನಾ ದೇವಿ ತಮ್ಮ ಹೆಗಲಿಗೆ ಉದ್ದೇಶಪೂರ್ವಕವಾಗಿ ಗಾಯಗೊಳಿಸಿದ್ದರು ಎಂದು ದಿವ್ಯಾಂಶಿ ವೀಡಿಯೊದಲ್ಲಿ ಆರೋಪಿಸಿದ್ದಾರೆ.

ವುಶು ಫೆಡರೇಶನ್ ನೀಡಿದ ಸ್ಪಷ್ಟನೆ:

ವುಶು ಫೆಡರೇಶನ್ ಆಫ್ ಇಂಡಿಯಾ (WAI) ದಿವ್ಯಾಂಶಿ ಅವರಿಗೆ ಎಸಿಎಲ್ (ACL) ಮೊಣಕಾಲು ಗಾಯವಿದ್ದು, ವೈದ್ಯಕೀಯ ತಪಾಸಣೆಯಲ್ಲಿ ಅವರು ಸಂಪೂರ್ಣ ಫಿಟ್ ಆಗಿಲ್ಲ ಎಂದು ಕಂಡುಬಂದಿದ್ದರಿಂದ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ತಿಳಿಸಿದೆ. ಆದರೆ, ಈ ಗಾಯ ಸಾಮಾನ್ಯವಾಗಿದ್ದು, ಟೇಪಿಂಗ್ ಹಚ್ಚಿಕೊಂಡು ಆಡಲು ವೈದ್ಯರು ಅನುಮತಿ ನೀಡಿದ್ದರು. ತಮಗೆ ವೈದ್ಯಕೀಯ ವರದಿಗಳನ್ನು ಸಲ್ಲಿಸಲು ಅಥವಾ ತಮ್ಮ ಕಡೆಯ ವಿವರಣೆ ನೀಡಲು ಅವಕಾಶ ನೀಡದೆ ಏಕಾಏಕಿ ತಂಡದಿಂದ ಕೈಬಿಡಲಾಗಿದೆ ಎಂದು ದಿವ್ಯಾಂಶಿ ದೂರಿದ್ದಾರೆ.