Home ಕ್ರೈಂ ನ್ಯೂಸ್ ಕ್ಯೂಆರ್ ಕೋಡ್ ಪ್ರದರ್ಶಿಸಿ ಹಣಕ್ಕೆ ಬೇಡಿಕೆ: ಮೀರಾತ್‌ನ ಮಹಿಳಾ ಸಬ್-ಇನ್ಸ್‌ಪೆಕ್ಟರ್ ಅಮಾನತು!
ಕ್ರೈಂ ನ್ಯೂಸ್ದಾವಣಗೆರೆನವದೆಹಲಿಬೆಂಗಳೂರು

ಕ್ಯೂಆರ್ ಕೋಡ್ ಪ್ರದರ್ಶಿಸಿ ಹಣಕ್ಕೆ ಬೇಡಿಕೆ: ಮೀರಾತ್‌ನ ಮಹಿಳಾ ಸಬ್-ಇನ್ಸ್‌ಪೆಕ್ಟರ್ ಅಮಾನತು!

Share
ಮಹಿಳಾ
Share

ಇನ್ಸ್ಟಾಗ್ರಾಮ್ ಲೈವ್ ಮತ್ತು ಕ್ಯೂಆರ್ ಕೋಡ್ ವಿವಾದ: ಮೀರಾತ್‌ನ ಮಹಿಳಾ ಸಬ್-ಇನ್ಸ್‌ಪೆಕ್ಟರ್ ಅಮಾನತು

ಮೀರತ್: ಉತ್ತರ ಪ್ರದೇಶದ ಮೀರಾತ್‌ನಲ್ಲಿ ಪೊಲೀಸ್ ಇಲಾಖೆಯ ಘನತೆಗೆ ಧಕ್ಕೆ ತರುವಂತಹ ಘಟನೆಯೊಂದು ಬೆಳಕಿಗೆ ಬಂದಿದ್ದು, ಸೋಷಿಯಲ್ ಮೀಡಿಯಾದಲ್ಲಿ ಅಸಭ್ಯ ವೀಡಿಯೊ ಹಾಗೂ ಇನ್ಸ್ಟಾಗ್ರಾಮ್ ಲೈವ್ ನಡೆಸುತ್ತಿದ್ದ ಮಹಿಳಾ ಸಬ್-ಇನ್ಸ್‌ಪೆಕ್ಟರ್ ಅನು ರಾಣಿ (Anu Rani) ಅವರನ್ನು ಸೇವೆಯಿಂದ ಅಮಾನತುಗೊಳಿಸಲಾಗಿದೆ.

ಮೀರಾತ್ ಹಿರಿಯ ಪೊಲೀಸ್ ವರಿಷ್ಠಾಧಿಕಾರಿ (SSP) ಅವಿನಾಶ್ ಪಾಂಡೆ ಅವರು ಸಬ್-ಇನ್ಸ್‌ಪೆಕ್ಟರ್ ಅನು ರಾಣಿ ಅವರನ್ನು ಅಮಾನತುಗೊಳಿಸಿ ತಕ್ಷಣದ ಆದೇಶ ಹೊರಡಿಸಿದ್ದಾರೆ. ಅನು ರಾಣಿ ಅವರು ಪೊಲೀಸ್ ಇಲಾಖೆಯ ಸೋಷಿಯಲ್ ಮೀಡಿಯಾ ನೀತಿ (Social Media Policy) ಮತ್ತು ಶಿಸ್ತು ನಿಯಮಗಳನ್ನು ಉಲ್ಲಂಘಿಸಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ.

ಪ್ರಕರಣದ ಹಿನ್ನೆಲೆ: ಮೀರಾತ್‌ನ ಎಸ್‌ಎಸ್‌ಪಿ ಕಚೇರಿಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದ ಅನು ರಾಣಿ, ಸೋಷಿಯಲ್ ಮೀಡಿಯಾದಲ್ಲಿ ಸಕ್ರಿಯರಾಗಿದ್ದರು. ತಮ್ಮ ಖಾಸಗಿ ಇನ್ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಖಾತೆಗಳಲ್ಲಿ ಫಿಟ್‌ನೆಸ್, ವರ್ಕೌಟ್ ಮತ್ತು ದಿನನಿತ್ಯದ ವೀಡಿಯೊಗಳನ್ನು ಹಂಚಿಕೊಳ್ಳುತ್ತಿದ್ದರು. ಆದರೆ, ಇತ್ತೀಚೆಗೆ ಅವರು ನಡೆಸಿದ ಲೈವ್ ಶೋ ಒಂದರಲ್ಲಿ ಕ್ಯೂಆರ್ (QR) ಕೋಡ್ ಪ್ರದರ್ಶಿಸಿ, ವೀಕ್ಷಕರಿಂದ ಹಣ ಪಾವತಿಸುವಂತೆ ಬೇಡಿಕೆ ಇಟ್ಟ ವೀಡಿಯೊ ಮತ್ತು ಅಸಭ್ಯ ವರ್ತನೆಯ ತುಣುಕುಗಳು ಸಾಮಾಜಿಕ ಜಾಲತಾಣಗಳಲ್ಲಿ ತೀವ್ರ ವೈರಲ್ ಆದವು.

ಇದನ್ನು ಗಮನಿಸಿದ ಯೂಟ್ಯೂಬರ್ ಒಬ್ಬರು, ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಹಾಗೂ ರಾಜ್ಯ ಪೊಲೀಸ್ ಮಹಾನಿರ್ದೇಶಕರಿಗೆ (DGP) ದೂರು ಸಲ್ಲಿಸಿ, ಇಲಾಖೆಯ ಗೌರವ ಹಾಳುಮಾಡುತ್ತಿರುವ ಅಧಿಕಾರಿಯ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಮನವಿ ಮಾಡಿದ್ದರು.
Jagran

ಇಲಾಖೆಯ ಕಠಿಣ ಕ್ರಮ: ಸೋಷಿಯಲ್ ಮೀಡಿಯಾದಲ್ಲಿ ಪ್ರಕರಣ ತೀವ್ರ ವಿವಾದಕ್ಕೆ ಈಡಾಗುತ್ತಿದ್ದಂತೆ, ಎಸ್‌ಎಸ್‌ಪಿ ಅವಿನಾಶ್ ಪಾಂಡೆ ಅವರು ಮಹಿಳಾ ಅಧಿಕಾರಿಯನ್ನು ತಕ್ಷಣದಿಂದ ಜಾರಿಗೆ ಬರುವಂತೆ ಅಮಾನತುಗೊಳಿಸಿದ್ದಾರೆ. ಪ್ರಕರಣದ ಸಂಪೂರ್ಣ ತನಿಖೆಯನ್ನು ಸೈಬರ್ ಸೆಲ್ (Cyber Cell) ಹಾಗೂ ಸಿಒ ಕಚೇರಿಗೆ ವಹಿಸಲಾಗಿದ್ದು, ವೀಡಿಯೊಗಳ ಸತ್ಯಾಸತ್ಯತೆ ಪರಿಶೀಲಿಸಿ ಮುಂದಿನ ಇಲಾಖಾ ತನಿಖೆ ನಡೆಸಲು ನಿರ್ದೇಶಿಸಲಾಗಿದೆ.

Share
Related Articles