ಭದ್ರಾ ಜಲಾಶಯ ನೀರು ಸಂಗ್ರಹ ಮಟ್ಟ 165.9 ಅಡಿಗೆ ಏರಿಕೆ: ಇಂದಿನ ಒಳಹರಿವು 11,790 ಕ್ಯೂಸೆಕ್!

ದಾವಣಗೆರೆ /ಲಕ್ಕವಳ್ಳಿ: ಭದ್ರಾ ಜಲಾನಯನ ಪ್ರದೇಶ ಹಾಗೂ ಮಲೆನಾಡಿನಲ್ಲಿ ಮಳೆ ಚುರುಕುಗೊಂಡಿದ್ದು, ಭದ್ರಾ ಜಲಾಶಯಕ್ಕೆ (Bhadra Reservoir) ಒಳಹರಿವಿನ ಪ್ರಮಾಣ ಗಣನೀಯವಾಗಿ ಏರಿಕೆಯಾಗಿದೆ.

ಆಗಸ್ಟ್ 05, 2026ರ ಬೆಳಗಿನ 6 ಗಂಟೆಯ ಅಧಿಕೃತ ವರದಿಯಂತೆ ಜಲಾಶಯದ ನೀರಿನ ಮಟ್ಟ 165.9 ಅಡಿಗೆ (2137.75 MSL) ತಲುಪಿದೆ. ಜಲಾಶಯದ ಒಟ್ಟು ನೀರು ಸಂಗ್ರಹ ಸಾಮರ್ಥ್ಯ 71.535 TMC ಆಗಿದ್ದು, ಸದ್ಯ 48.484 TMC ನೀರು ಸಂಗ್ರಹವಾಗಿದೆ.

ಇಂದಿನ ಭದ್ರಾ ಜಲಾಶಯದ ನೀರಿನ ಮಟ್ಟ (5 ಆಗಸ್ಟ್ 2026 – ಬೆಳಿಗ್ಗೆ 6 ಗಂಟೆ ವೇಳೆಗೆ)

ಹೊರಹರಿವಿನ ವಿವರ (Outflow Details):

• ಬಲದಂಡೆ ನಾಲೆ (R.B.C): 0 ಕ್ಯೂಸೆಕ್

• ಎಡದಂಡೆ ನಾಲೆ (L.B.C): 0 ಕ್ಯೂಸೆಕ್

• ರಿವರ್ ಸ್ಲೂಯಿಸ್ (River Sluice): 100 ಕ್ಯೂಸೆಕ್

• ಆವಿಯಾಗುವಿಕೆ (Evaporation): 93 ಕ್ಯೂಸೆಕ್

ಇಂದಿನ ಹರಿವಿನ ವಿವರ:

ಪ್ರಸ್ತುತ ಜಲಾಶಯಕ್ಕೆ 11,790 ಕ್ಯೂಸೆಕ್ ಒಳಹರಿವು ದಾಖಲಾಗಿದ್ದು, 193 ಕ್ಯೂಸೆಕ್ ನೀರನ್ನು ಹೊರಬಿಡಲಾಗುತ್ತಿದೆ. ಬಲದಂಡೆ (RBC) ಹಾಗೂ ಎಡದಂಡೆ (LBC) ನಾಲೆಗಳಿಗೆ ನೀರು ಹರಿಸುವುದನ್ನು ಸದ್ಯ ಸ್ಥಗಿತಗೊಳಿಸಲಾಗಿದ್ದು, ರಿವರ್ ಸ್ಲೂಯಿಸ್ ಮೂಲಕ 100 ಕ್ಯೂಸೆಕ್ ಹಾಗೂ ಆವಿಯಾಗುವಿಕೆ (Evaporation) ರೂಪದಲ್ಲಿ 93 ಕ್ಯೂಸೆಕ್ ನೀರು ವ್ಯಯವಾಗುತ್ತಿದೆ.

ಕಳೆದ ವರ್ಷಕ್ಕೆ ಹೋಲಿಸಿದರೆ:

ಕಳೆದ ವರ್ಷ (2025) ಇದೇ ದಿನದಂದು ಜಲಾಶಯದ ನೀರಿನ ಮಟ್ಟ 181.9 ಅಡಿ ಇತ್ತು ಹಾಗೂ 66.281 TMC నీరు ಸಂಗ್ರಹವಾಗಿತ್ತು. ಆಗ ಒಳಹರಿವು 10,953 ಕ್ಯೂಸೆಕ್ ಹಾಗೂ ಹೊರಹರಿವು 3,962 ಕ್ಯೂಸೆಕ್ ಇತ್ತು.

ಜಲಾಶಯದ ಮಟ್ಟ 165 ಅಡಿ ದಾಟಿ ಮುನ್ನುಗ್ಗುತ್ತಿರುವುದರಿಂದ ಮಧ್ಯ ಕರ್ನಾಟಕ ಹಾಗೂ ಬಯಲುಸೀಮೆಯ ದಾವಣಗೆರೆ, ಚಿತ್ರದುರ್ಗ ಭಾಗದ ರೈತರಲ್ಲಿ ಮತ್ತು ಸಾರ್ವಜನಿಕರಲ್ಲಿ ಹರ್ಷ ಮೂಡಿಸಿದೆ.