ECIL ನೇಮಕಾತಿ 2026: ಇಂಜಿನಿಯರಿಂಗ್ ಪದವೀಧರರಿಗೆ ತಾಂತ್ರಿಕ ಅಧಿಕಾರಿ ಹುದ್ದೆಗಳು; ನೇರ ಸಂದರ್ಶನ ವಿವರ ಇಲ್ಲಿದೆ!

ಬೆಂಗಳೂರು: ಭಾರತ ಸರ್ಕಾರದ ಪರಮಾಣು ಶಕ್ತಿ ಇಲಾಖೆಯ ಅಡಿಯಲ್ಲಿರುವ ಸಾರ್ವಜನಿಕ ವಲಯದ ಉದ್ಯಮವಾದ ಎಲೆಕ್ಟ್ರಾನಿಕ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ ಲಿಮಿಟೆಡ್ (ECIL), 2026ನೇ ಸಾಲಿನ ನೇಮಕಾತಿಗಾಗಿ ಅಧಿಸೂಚನೆ ಹೊರಡಿಸಿದೆ.

ಒಟ್ಟು 200 ತಾಂತ್ರಿಕ ಅಧಿಕಾರಿ (Technical Officer) ಹುದ್ದೆಗಳನ್ನು ಗುತ್ತಿಗೆ ಆಧಾರದ ಮೇಲೆ ಭರ್ತಿ ಮಾಡಲು ಅರ್ಹ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನಿಸಲಾಗಿದ್ದು, ಫೆಬ್ರವರಿ 24ರಂದು ಹೈದರಾಬಾದ್ ನಲ್ಲಿ ನೇರ ಸಂದರ್ಶನ (Walk-in-Interview) ನಡೆಯಲಿದೆ.

ಹುದ್ದೆಗಳ ವಿವರ:

ತಾಂತ್ರಿಕ ಅಧಿಕಾರಿ (ವರ್ಗ-1): 100 ಹುದ್ದೆಗಳು

ತಾಂತ್ರಿಕ ಅಧಿಕಾರಿ (ವರ್ಗ-2): 30 ಹುದ್ದೆಗಳು

ತಾಂತ್ರಿಕ ಅಧಿಕಾರಿ (ವರ್ಗ-3): 70 ಹುದ್ದೆಗಳು

ಅರ್ಹತೆ ಮತ್ತು ವಯೋಮಿತಿ:

ಶೈಕ್ಷಣಿಕ ಅರ್ಹತೆ:

ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಬಿ.ಇ (BE) ಅಥವಾ ಬಿ.ಟೆಕ್ (B.Tech) ಪೂರ್ಣಗೊಳಿಸಿರಬೇಕು.

ವಯೋಮಿತಿ:

23-03-2026ಕ್ಕೆ ಅನ್ವಯವಾಗುವಂತೆ ಗರಿಷ್ಠ 30 ವರ್ಷಗಳು. (OBC ಅಭ್ಯರ್ಥಿಗಳಿಗೆ 3 ವರ್ಷ, SC/ST ಅಭ್ಯರ್ಥಿಗಳಿಗೆ 5 ವರ್ಷ ಮತ್ತು PwBD ಅಭ್ಯರ್ಥಿಗಳಿಗೆ 10 ವರ್ಷಗಳ ಸಡಿಲಿಕೆ ಇರುತ್ತದೆ).

ವೇತನ ಶ್ರೇಣಿ:

ಆಯ್ಕೆಯಾದ ಅಭ್ಯರ್ಥಿಗಳಿಗೆ ಮಾಸಿಕ ರೂ. 25,000 ರಿಂದ ರೂ. 31,000 ವರೆಗೆ ವೇತನ ನೀಡಲಾಗುವುದು.

ನೇರ ಸಂದರ್ಶನದ ವಿವರ:

ಆಸಕ್ತ ಅಭ್ಯರ್ಥಿಗಳು ನಿಗದಿತ ಅರ್ಜಿ ನಮೂನೆ ಮತ್ತು ಅಗತ್ಯ ದಾಖಲೆಗಳೊಂದಿಗೆ ಕೆಳಗಿನ ವಿಳಾಸಕ್ಕೆ ಹಾಜರಾಗಬೇಕು:

ದಿನಾಂಕ: 24-ಫೆಬ್ರವರಿ-2026

ಸಮಯ: ಬೆಳಗ್ಗೆ 9:00 ರಿಂದ 11:30 ರವರೆಗೆ ನೋಂದಣಿ.

ಸ್ಥಳ: ಕಾರ್ಪೊರೇಟ್ ಲರ್ನಿಂಗ್ ಮತ್ತು ಡೆವಲಪ್‌ಮೆಂಟ್ ಸೆಂಟರ್ (CLDC), ನಳಂದಾ ಕಾಂಪ್ಲೆಕ್ಸ್, ಎಲೆಕ್ಟ್ರಾನಿಕ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ ಲಿಮಿಟೆಡ್, ಹೈದರಾಬಾದ್ – 500062.