SUDDIKSHANA KANNADA NEWS/ DAVANAGERE/ DATE:09-03-2024
ದಾವಣಗೆರೆ: ಮನೆಗೆ ಬಂದಿದ್ದ ವರನಟ ಡಾ. ರಾಜಕುಮಾರ್ ಪುತ್ರಿ ಪೂರ್ಣಿಮಾ ರಾಮ್ ಕುಮಾರ್ ಹಾಗೂ ಮೊಮ್ಮಗಳಾದ ಧನ್ಯ ರಾಮ್ ಕುಮಾರ್ ಅವರನ್ನು ತಮ್ಮ ಮನೆ ಕೆಲಸದವರಿಗೆ ಪರಿಚಯ ಮಾಡಿಸುವ ಮೂಲಕ ಶಾಸಕ ಶಾಮನೂರು ಶಿವಶಂಕರಪ್ಪರ ಸೊಸೆ ಹಾಗೂ ಗಣಿ ಮತ್ತು ಭೂ ವಿಜ್ಞಾನ ಇಲಾಖೆ ಸಚಿವ ಎಸ್. ಎಸ್. ಮಲ್ಲಿಕಾರ್ಜುನ್ ರ ಪತ್ನಿ ಡಾ. ಪ್ರಭಾ ಮಲ್ಲಿಕಾರ್ಜುನ್ ಅವರು ಸರಳತೆ ಮೆರೆದರು.
ಸಿನಿಮಾ ನಟರು ಎಂದರೆ ಎಂಥವರಿಗೂ ಕುತೂಹಲ ಅದರಲ್ಲೂ ಡಾ ರಾಜಕುಮಾರ್ ಕುಟುಂಬ ಎಂದರೆ ಇನ್ನು ಹೇಳಬೇಕೇ. ಇಂದು ಡಾ. ರಾಜಕುಮಾರ್ ರವರ ಪುತ್ರಿ ಪೂರ್ಣಿಮಾ ರಾಮ್ ಕುಮಾರ್ ಹಾಗೂ
ಮೊಮ್ಮಗಳು ಧಾನ್ಯ ರಾಮ್ ಕುಮಾರ್ ಹಾಗೂ ಸೂರಜ್ ರೇವಣ್ಣ ಅವರು ಶಾಸಕ ಡಾ. ಶಾಮನೂರು ಶಿವಶಂಕರಪ್ಪನವರನ್ನು ಅವರ ನಿವಾಸದಲ್ಲಿ ಭೇಟಿ ಮಾಡಿದ್ದರು.
ನಂತರ ಡಾ. ಪ್ರಭಾ ಮಲ್ಲಿಕಾರ್ಜುನ್ ರವರನ್ನು ಭೇಟಿ ಮಾಡಿ ಚರ್ಚೆ ನಡೆಸಿದರು. ರಾಜಕುಮಾರ್ ಪುತ್ರಿ ಹಾಗೂ ಮೊಮ್ಮಗಳು ಬಂದಿದ್ದಾರೆಂದು ಕುತೂಹಲದಿಂದ ವೀಕ್ಷಿಸುತ್ತಿದ್ದ ತಮ್ಮ ಮನೆ ಕೆಲಸದವರನ್ನು ಕಂಡ
ಡಾ. ಪ್ರಭಾ ಮಲ್ಲಿಕಾರ್ಜುನ್ ಅವರು ಅವರನ್ನು ಕರೆದು ಪೂರ್ಣಿಮಾ ಹಾಗೂ ಧನ್ಯಾ ಅವರಿಗೆ ಪರಿಚಯ ಮಾಡಿಸಿ, ಅವರ ಜೊತೆ ತಾವು ಫೋಟೋ ತೆಗೆಸಿಕೊಂಡಿದ್ದು ವಿಶೇಷವಾಗಿತ್ತು.
